ଘରୋଇ ଝଗଡାକୁ ନେଇ ସର୍ମ୍ପକୀୟ ସାନଭାଇର ଟାଙ୍ଗିଆ ଚୋଟରେ ବଡଭାଇ ଗୁରୁତର

ତେଲକୋଇ: ତେଲକୋଇ ଥାନା ଅନ୍ତର୍ଗତ ଓରିଆ ପଞ୍ଚାୟତ ସାପଲାଞି ଗାଁରେ ସର୍ମ୍ପକୀୟ ବଡଭାଇ କୁ ଟାଙ୍ଗିଆ ରେ ହାଣିଲା ସାନଭାଇ ।କୈଣସି କାରଣ କୁ ନେଇ ଆଜି ସକାଳୁ ଝଗଡା ହୋଇଥିଲା ।ଏହି ରାଗରେ ସାନଭାଇ ବିଦ୍ୟାଧର ବଡଭାଇ ଜମାଲ କୁ ଆକ୍ରମଣ କରିଥିବା ଜଣାପଡିଛି । ଗାଁ ମଣ୍ଡଘରେ ଜମାଲ ବସିଥିବା ବେଳେ ହଠାତ ବିଦ୍ୟାଧର ତାଙ୍କ ବେକକୁ ଟାଙ୍ଗିଆରେ ଚୋଟ ପକାଇ ଥିଲା ।ଫଳରେ ଜମାଲ ଜୁଆଙ୍ଗ ଗୁରୁତର ହୋଇପଡିଥିଲେ ।ତାଙ୍କୁ ସଙ୍ଗେ ସଙ୍ଗେ ତେଲକୋଇ ମେଡିକାଲରେ ଭର୍ତ୍ତି କରାଯାଇଥିଲା । ତେବେ ଅବସ୍ଥା ଗୁରୁତର ହେବାରୁ ତାଙ୍କୁ କେନ୍ଦୁଝର କୁ ସ୍ଥାନାନ୍ତର କରାଯାଇଛି ।ଆକ୍ରମଣ ର ପ୍ରକୃତ କାରଣ ଜଣାପଡିନଥିବା ବେଳେ ଅଭିଯୁକ୍ତ ବିଦ୍ୟାଧର କୁ ଅଟକ ରଖି ପୋଲିସ ପଚରାଉଚରା ଜାରି ରଖିଛି ।