ଭୁବନେଶ୍ୱର : କରୋନା ଯୋଗୁଁ ବିଳମ୍ବରେ ଯୁକ୍ତ ଦୁଇ କଳା ପରୀକ୍ଷା ଫଳ ପ୍ରକାଶ ପାଇଛି । ମା ତାରିଣୀ ମହାବିଦ୍ୟାଳୟ, ପାଣିକୋଇଲିର ଛାତ୍ରୀ ସମ୍ଭାବନା ସାହୁ ଯୁକ୍ତ ଦୁଇ କଳାରେ ସମଗ୍ର ରାଜ୍ୟରେ ପ୍ରଥମ ସ୍ଥାନ ଅଧିକାର କରି ଆମ ଜିଲ୍ଲା ସମେତ ଆମ ଅଞ୍ଚଳ ପାଇଁ ସୁନାମ ଆଣିଛନ୍ତି । ଏଥିପାଇ ବିଜେପି କୋରେଇ ପରିବାର ତରଫରୁ ତାଙ୍କୁ ଶୁଭେଚ୍ଛା ଜଣାଇବା ସହ ଉଜ୍ଜଳମୟ ଭବିଷ୍ୟତ କାମନା କରିଛନ୍ତି । ବିଜେପି ନେତା ବିଶ୍ୱଜିତ୍ ନାୟକ ଫୋନ୍ ଯୋଗେ ତାଙ୍କୁ ଶୁଭକାମନା ଜଣାଇଥିଲେ । ତାଙ୍କ ସଫଳତା ଆମ ସମଗ୍ର ଅଞ୍ଚଳର ଗୌରବ ବଢ଼ାଇଥିବାରୁ ତାଙ୍କ କଠିନ ପରିଶ୍ରମ, ପିତାମାତାଙ୍କ ଆଶିର୍ବାଦ ଓ କଲେଜ୍ ର ଅଧ୍ୟାପକ ଓ ଅଧ୍ୟାପିକାମାନଙ୍କ ପରିଶ୍ରମକୁ ଶ୍ରୀ ନାୟକ ସାଧୁବାଦ୍ ଜଣାଇଥିଲେ । ଭାରତୀୟ ଜନତା ପାର୍ଟି, କୋରେଇର ଏକ ପ୍ରତିନିଧି ମଣ୍ଡଳ ତାଙ୍କ ଘରେ ପହଞ୍ଚି ସମ୍ବର୍ଦ୍ଧନା ଜଣାଇଥିଲେ । ମଣ୍ଡଳ ସଭାପତି ପ୍ରମୋଦ ସାହୁ, ଜିଲ୍ଲା ଉପସଭାପତି ପ୍ରମୋଦ ନାୟକ, ଯୁବମୋର୍ଚ୍ଚା ସଂଯୋଜକ ବିକ୍ରମ କେଶରୀ ବିଶ୍ଵାଳ, ସରପଞ୍ଚ ଦିପ୍ତିମୟୀ କୁଅଁର, ସମିତିସଭ୍ୟା ଜୟନ୍ତୀ ସାହୁ, ନୀଳମାଧବ ଚକ୍ର, ଶଶୀଭୂଷଣ ସେନାପତି, ସୀତାକାନ୍ତ କୁଅଁର, କରୁଣାକର ମାଝୀ, ମାନସ ବୋଇତାଇ, ଲଲାଟେନ୍ଦୁ ନାୟକ ପ୍ରମୁଖ ଉପସ୍ଥିତ ଥିଲେ ।
ସମ୍ଭାବନା ଭବିଷ୍ୟତରେ ଜଣେ ଶିକ୍ଷୟତ୍ରୀ ହେବା ପାଇଁ ସେ ଲକ୍ଷ ରଖିଛନ୍ତି ।
ଯୁକ୍ତ ଦୁଇ ଟପର୍ ସମ୍ଭାବନାଙ୍କୁ କୋରେଇ ବିଜେପିର ସମ୍ବର୍ଦ୍ଧନା
