ଭୁବନେଶ୍ୱର :ଦିନ ଦ୍ଵିପ୍ରହରରେ ରାଜଧାନୀର ଇନଫୋସିଟି ଥାନା ଅଞ୍ଚଳରେ ଜଣେ ଛାତ୍ରୀଙ୍କୁ ୨ ଜଣ ଦୁର୍ବୃତ୍ତ ଆସି ଗୁଳିମାଡ଼ କରିଥିଲେ। ଛାତ୍ରୀଙ୍କ ଜଙ୍ଘରେ ଗୁଳି ବାଜିଛି। ଆହତ ଅବସ୍ଥାରେ ଛାତ୍ରୀଙ୍କୁ ସ୍ଥାନୀୟ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଛାତ୍ରୀଙ୍କୁ ଗୁଳିମାଡ଼ ଘଟଣା ନୂଆମୋଡ ନେବାରେ ଲାଗିଛି । ଦୁର୍ବୃତ୍ତଙ୍କ ଟାର୍ଗେଟରେ ଛାତ୍ରୀ ନଥିଲେ ତାଙ୍କ ଯୋଜନା କିଛି ଅଲଗା ଥିଲା । ଏନେଇ ଟ୍ୱିଟ୍ ମାଧ୍ୟମରେ ସୂଚନା କମିଶନରେଟ ପୋଲିସ ସୂଚନା ଦେଇଥିବା ବେଳେ ଏବେ କମିଶନରେଟ ପୋଲିସ ଏହି ଘଟଣାର ପୁଣି ଏକ ବଡ ସୂଚନା ଦେଇଛନ୍ତି ।
ଏନେଇ ବଡ ଖୁଲାସା କରିଛନ୍ତି ଡିସିପି ଅନୁପ ସାହୁ । ସେ ଟ୍ୱିଟ କରି କହିଛନ୍ତି ପୁରୁଷ ବନ୍ଧୁ ସହ ବନ୍ଧୁକରେ ଖେଳୁଥିବା ସମୟରେ ଗୁଳି ଫୁଟିଛି । ଜେରା ପରେ ଅଭିଯୁକ୍ତ ପୁରୁଷ ବନ୍ଧୁ ଆଶିଷ ନାୟକଙ୍କୁ ଗିରଫ କରାଯାଇଛି । ବଜରଙ୍ଗ ବିହାରରେ ରହୁଥିବା ଯୁବତୀଙ୍କ ନିକଟକୁ ଆସିଥିଲେ ଆଶିଷ । ତେବେ ଆଶିଷଙ୍କ ନାଁରେ ବହୁ ଅପରାଧିକ ରେକର୍ଡ ଥିବା ଜଣାପଡିଛି । ନୟାପଲ୍ଲୀ ବୋମାମାଡ ଘଟଣାରେ ଆଶିଷ ଗିରଫ ହୋଇଥିଲା । ଆଶିଷ ଆଣିଥିବା ବନ୍ଧୁକ ସୋନାଲିଙ୍କୁ ଦେଖାଇଥିଲେ ପରେ ଉଭୟ ଖେଳୁଥିବା ବେଳେ ଗୁଳି ଫୁଟିଥିବା ସୂଚନା ଦେଲେ ଡିସିପି । ଗୋଟିଏ ଗୁଳି ଜଘଂରେ ପଶି ବାହାରି ଆର ଗୋଡରେ ପଶିଯାଇଥିଲା ।
https://onakhabar.com/2020/02/10/gun-fairing-the-student/
