ଭୁବନେଶ୍ୱର: ସମଗ୍ର ଆଫଗାନିସ୍ତାନ ବର୍ତ୍ତମାନ ତାଲିବାନ ଆତଙ୍କବାଦୀ ସଂଗଠନ ଅକ୍ତିଆରରେ । ସମସ୍ତ ଆଫଗାନିସ୍ତାନବାସୀ ଆଫଗାନିସ୍ତାନର ଭବିଷ୍ୟତକୁ ନେଇ ବର୍ତ୍ତମାନ ଭୟବିତ ଅବସ୍ଥାରେ ସମୟ କାଟୁଛନ୍ତି । ତେବେ ବର୍ତ୍ତମାନ ସମୟରେ ତାଲିବାନର ୭ ସଦସ୍ୟ ପ୍ରମୁଖ ଭାବେ ଆଫଗାନିସ୍ତାନର ସମସ୍ତ ବ୍ୟବସ୍ଥାକୁ ସଂଚାଳନ କରୁଛନ୍ତି । ଏହି ୭ ତାଲିବାନୀ ସଦସ୍ୟଙ୍କ ଉପରେ କିଛି ତଥ୍ୟ ।
ହୈବତୁଲ୍ଲା ଅଖୁନଜାଦା: ଜଣେ ରାଜନୈତିକ ତଥା ଧାର୍ମିକ ନେତା ଯିଏ ତାଲିବାନ ଏବଂ ଆଫଗାନିସ୍ତାନର ଇସଲାମିକ୍ ଏମିରେଟ୍ ର ତୃତୀୟ ସର୍ବୋଚ୍ଚ କମାଣ୍ଡର ଅଟନ୍ତି । ତାଲିବାନ ଦ୍ୱାରା ତାଙ୍କୁ ଏମିର-ଅଲ-ମୁମିନିନ୍ ଆଖ୍ୟା ଦିଆଯାଇଛି ଯାହା ତାଙ୍କର ଦୁଇ ପୂର୍ବପୁରୁଷ ବହନ କରିଆସିଛନ୍ତି । ବର୍ତ୍ତମାନ ସେ ତାଲିବାନର ସର୍ବୋଚ୍ଚ କମାଣ୍ଡର । ୨୦୧୬ରେ ଆମେରିକା ତାଙ୍କ ପୂର୍ବାଧିକାରୀଙ୍କୁ ନିପାତ କରିବା ପରଠାରୁ ଏପର୍ଯ୍ୟନ୍ତ ସେ ଅନୁଷ୍ଠାନର ଏହି ସର୍ବୋଚ୍ଚ ପଦରେ ଅଛନ୍ତି ।
ଅବଦୁଲ ଘାନି ବାରାଦର ଅଖୁଣ୍ଡ: ଜଣେ ଆଫଗାନିସ୍ତାନ ସନ୍ତ୍ରାସବାଦୀ ଯିଏ ଆଫଗାନିସ୍ତାନରେ ତାଲିବାନର ଅନ୍ୟତମ ପ୍ରତିଷ୍ଠାତା ଏବଂ ଏହାର ନେତା ମହମ୍ମଦ ଓମାରଙ୍କ ଡେପୁଟି ଥିଲେ । ଆଫଗାନିସ୍ତାନର ପରବର୍ତ୍ତୀ ସରକାରର ସେ ମୁଖ୍ୟ ହେବେ ବୋଲି ସୂଚନା ମିଳିଛି । ସେ ଓସାମା ବିନ୍ ଲାଡେନ୍ ର ଘନିଷ୍ଠ ସହଯୋଗୀ ଥିଲେ ଏବଂ ମୁଲ୍ଲା ମହମ୍ମଦ ଓମାର୍ ସହ ତାଲିବାନ୍ର ସହ ପ୍ରତିଷ୍ଠାତା ଥିଲେ ।
ସିରାଜୁଦ୍ଦିନ ହକ୍କାନି: ଆଫଗାନିସ୍ତାନରୁ ଆସିଥିବା ଜଣେ ସାମରିକ ନେତା, ଯିଏକି ତାଲିବାନର ଡେପୁଟି ନେତା ଭାବରେ ପୂର୍ବରୁ ଆମେରିକୀୟ ତଥା ମିଳିତ ବାହିନୀ ବିରୁଦ୍ଧରେ ସଶସ୍ତ୍ର ଯୁଦ୍ଧର ତଦାରଖ କରିଥିଲେ, ଯାହା ପାକିସ୍ତାନର ଉତ୍ତର ୱାଜିରିସ୍ତାନ ଅନ୍ତର୍ଗତ ଏକ ବେସରୁ ଆସିଥିଲା । ଆତଙ୍କବାଦୀ ସଂଗଠନ ହମ୍ମାନୀ ନେଟୱର୍କର ଅନ୍ୟତମ ମୁଖ୍ୟ ସଂଚାଳକ ସିରାଜୁଦ୍ଦିନ ହକ୍କାନି । ସେ ଦ୍ୱିତୀୟ ତାଲିବାନ ଉପନେତା । ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ସେ ଆର୍ଥିକ ଏବଂ ସାମରିକ ବୁଝାବଣା କରନ୍ତି । ତାଙ୍କ ଭାଇ ମଧ୍ୟ ଜଣେ ପ୍ରମୁଖ ତାଲିବାନ ନେତା ଭାବେ ଜଣାଶୁଣା ।
ମହମ୍ମଦ ୟାକୁବ: ମଲ୍ଲିକ ମହମ୍ମଦ ୟାକୁବ କିମ୍ବା ମଲ୍ଲିକ ୟାକୁବ ହେଉଛନ୍ତି ଆଫଗାନିସ୍ତାନର ମୁଜାହିଦ୍ଦିନ କମାଣ୍ଡର, ତାଲିବାନର ପ୍ରତିଷ୍ଠାତା ତଥା ଆଫଗାନିସ୍ତାନର ଇସଲାମ ଏମିରେଟର ପୂର୍ବତନ ଏମିର ମୁଲ୍ଲା ମହମ୍ମଦ ଓମାରଙ୍କ ବଡ ପୁଅ । ସଂଗଠନର ଶୀର୍ଷ ପଦବୀ ପାଇଁ ସେ ଜଣେ ପ୍ରତିଦ୍ୱନ୍ଦୀ ଥିଲେ । ଏବେ ସେ ସିରାଜୁଦ୍ଦିନ ହକାନିଙ୍କ ସହ ତାଲିବାନ ସଂଗଠନର ସାମରିକ କାର୍ଯ୍ୟକଳାପର ତଦାରଖ କରୁଛନ୍ତି ।
ଅବଦୁଲ ହକିମ ହକ୍କାନି: ସର୍ବୋଚ୍ଚ କମାଣ୍ଡର ଅଖୁନଜାଦାଙ୍କ ଜଣେ ଘନିଷ୍ଠ ସହଯୋଗୀ ଅବଦୁଲ ହକିମ ହକ୍କାନି ପୂର୍ବତନ ଆମେରିକା ସମର୍ଥିତ ସରକାର ସହ ଶାନ୍ତି କଥାବାର୍ତ୍ତା ପାଇଁ ତାଲିବାନ୍ ବୁଝାବଣା ଟିମ୍ର ମୁଖ୍ୟ ଥିଲେ ।
ଶେର୍ ମହମ୍ମଦ ଅବ୍ବାସ ଷ୍ଟାନିକଜାଇ: ତାଲିବାନର ୧୯୯୬–୨୦୦୧ ମସିହାରେ ଆଫଗାନିସ୍ତାନରେ ଶାସନ କାଳରେ ବୈଦେଶିକ ମନ୍ତ୍ରୀ ୱାକିଲ ଅହମ୍ମଦ ମୁତାୱାକିଲଙ୍କ ଅଧିନରେ ବୈଦେଶିକ ମନ୍ତ୍ରୀ ଥିଲେ । ଏବଂ ପରେ ସ୍ୱାସ୍ଥ୍ୟ ବିଭାଗର ଡେପୁଟି ମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ୧୯୯୬ରେ ସେ ୱାସିଂଟନ୍ ଗସ୍ତ କରିଥିଲେ ଏବଂ କ୍ଲିଣ୍ଟନ୍ ପ୍ରଶାସନ ତାଲିବାନ୍ ସରକାରକୁ ମାନ୍ୟତା ପ୍ରଦାନ କରିବା ଦିଗରେ ସେ ଚେଷ୍ଟା କରିଥିଲେ । ଯଦିଓ ତାଙ୍କୁ ମୁତାୱାକିଲ ବିଶ୍ୱାସ କରୁନଥିଲେ, ସେ ଇଂରାଜୀ ଭଲଭାବେ କହୁଥିବାରୁ ସେ ପ୍ରାୟତ ବିଦେଶୀ ଗଣମାଧ୍ୟମରେ ଇଣ୍ଟରଭ୍ୟୁ ଦେଇଛନ୍ତି ।
ଜବିଉଲ୍ଲା ମୁଜାହିଦ୍: ଆଫଗାନିସ୍ତାନର ଇସଲାମିକ୍ ଏମିରେଟ୍ ପାଇଁ ଏକ ସରକାରୀ ମୁଖପାତ୍ର ଅଟନ୍ତି । ସେ ଦୀର୍ଘ ଦିନ ଧରି ତାଲିବାନର ଅନେକ ମୁଖପାତ୍ର ଭାବରେ କାର୍ଯ୍ୟ କରିଥିଲେ । ମୁଜାହିଦ ନିକଟରେ କାବୁଲରେ ପ୍ରଥମ ସାମ୍ବାଦିକ ସମ୍ମୀଳନୀରେ ଉଦ୍ବୋଧନ ଦେଇଥିଲେ । ଅନ୍ତର୍ଜାତୀୟ ସମୁଦାୟ ସମ୍ମୁଖରେ ତାଲିବାନ୍ ସଂଗଠନର ବାର୍ତ୍ତା ରଖିବା ଦିଗରେ ସେ ପ୍ରମୁଖ ଭୂମିକା ନିର୍ବାହ କରିଥିଲେ । ୨୦ ବର୍ଷର ଯୁଦ୍ଧ ମଧ୍ୟରେ ସେ ସାମ୍ବାଦିକଙ୍କ ସହ କେବଳ ଫୋନ୍ ଏବଂ ମେସେଜ୍ରେ ଯୋଗାଯୋଗ କରିଛନ୍ତି ।
