ଗାଡ଼ିରୁ ୭ କୋଟି ଟଙ୍କା ଜବତ

ଗୋଦାବରୀ : ଆନ୍ଧ୍ରପ୍ରଦେଶର ଗୋଦାବରୀ ଜିଲ୍ଲାରେ ଏକ ଦୁର୍ଘଟଣାଗ୍ରସ୍ତ ଗାଡ଼ିରୁ ୭ କୋଟି ଟଙ୍କା ଜବତ ହୋଇଛି। ସୂଚନା ଅନୁସାରେ, ଆନ୍ଧ୍ରପ୍ରଦେଶର ବିଜୟୱାଡାରୁ ବିଶାଖାପାଟଣା ଅଭିମୁଖେ ଏକ ଗାଡ଼ି ଯାଉଥିଲା। ଅନନ୍ତପାଲ୍ଲୀ ନିକଟରେ ଗାଡ଼ିଟି ଗୋଟିଏ ଲରିକୁ ଧକ୍କା ଦେବା ପରେ ଓଲଟି ପଡ଼ିଥିଲା। ସ୍ଥାନୀୟ ଲୋକଙ୍କଠାରୁ ଖବର ପାଇ ପୁଲିସ ଘଟଣାସ୍ଥଳର ପହଞ୍ଚିଥିଲା। ଗାଡ଼ିଟିକୁ ଯାଞ୍ଚ କରିବା ସମୟରେ ସେଥିରୁ ୭ଟି ପେଟି ମିଳିଥିଲା। ପୁଲିସ ତାହାକୁ ଖୋଲିବା ପରେ ସେଥିରେ ବିଡ଼ା ବିଡ଼ା ଟଙ୍କା ରଖାଯାଇଥିବା ଜଣାପଡ଼ିଥିଲା। ପୁଲିସ ଦୁର୍ଘଟଣାଗ୍ରସ୍ତ ଗାଡ଼ି ସହ ଟଙ୍କାକୁ ଜବତ କରି ଅଧିକ ତଦନ୍ତ ଚଳାଇଛି। ଆହତ ଡ୍ରାଇଭରକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।