ପଶ୍ଚିମବଙ୍ଗ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ପଶ୍ଚିମବଙ୍ଗର ବାରସାତରେ ଏକ ନିର୍ବାଚନୀ ରାଲିରେ ସନ୍ଦେଶଖାଲି ଘଟଣା ବିଷୟରେ କହିଛନ୍ତି। ଏହି ରାଲିରେ ପ୍ରଧାନମନ୍ତ୍ରୀ ମୋଦୀ ରାଜ୍ୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଟିଏମସି ସରକାରଙ୍କୁ ସମାଲୋଚନା କରିବା ସହ ମହିଳା ସୁରକ୍ଷା ପ୍ରସଙ୍ଗ ଉଠାଇଥିଲେ। ସନ୍ଦେଶଖାଲିରେ ଯାହା ଘଟିଲା ତାହା ଯେ କୌଣସି ବ୍ୟକ୍ତିଙ୍କୁ ଲଜ୍ଜାରେ ମୁଣ୍ଡ ନୁଆଁଇବାକୁ ବାଧ୍ୟ କରିବ। କିନ୍ତୁ ଏଠାରେ ଟିଏମସି ସରକାର ଆପଣଙ୍କ ଦୁଃଖକୁ ଗୁରୁତ୍ୱ ଦେଉନାହାନ୍ତି। ପଶ୍ଚିମବଙ୍ଗର ମହିଳାଙ୍କ ଦୋଷୀଙ୍କୁ ବଞ୍ଚାଇବା ପାଇଁ ଟିଏମସି ସରକାର ନିଜର ସମସ୍ତ ଶକ୍ତି ପ୍ରୟୋଗ କରୁଛନ୍ତି। କିନ୍ତୁ ରାଜ୍ୟ ସରକାରଙ୍କୁ ହାଇକୋର୍ଟ ଓ ପରେ ସୁପ୍ରିମ୍ କୋର୍ଟରୁ ମଧ୍ୟ ଝଟକା ଲାଗିଛି। ଟିଏମସି ଶାସନରେ ନାରୀ ଶକ୍ତି ଉପରେ ଅତ୍ୟାଚାରର ଘୋର ପାପ ହୋଇଛି। ଅଭିଯୋଗ ଆଣିଥିବା ଅନେକ ମହିଳାଙ୍କ ମଧ୍ୟରୁ ଆଜି ୫ ଜଣ ମୋଦିଙ୍କୁ ଭେଟିଛନ୍ତି। ଏବେ ବି ସ୍ଥାନୀୟ ଅଞ୍ଚଳରେ ଶାହଜାହାଁଙ୍କ ଧମକଚମକ ଓ ଗୁଣ୍ଡାଗିରି ଜାରି ରହିଥିବା ସେମାନେ ମୋଦିଙ୍କୁ କହିଛନ୍ତି। ଉତ୍ତର ୨୪ ପ୍ରଗଣାର ବରାସତରେ ଆଜି ମୋଦି ବିଜେପି ପକ୍ଷରୁ ଆୟୋଜିତ ସାଧାରଣ ସଭାକୁ ସମ୍ଭୋଧନ କରିଥିଲେ। ଏହାପରେ ସନ୍ଦେଶଖାଲିର ୫ ଜଣ ମହିଳା ତାଙ୍କୁ ଭେଟିଛନ୍ତି। ବିଜେପି ସୂତ୍ରରୁ ମିଳିଥିବା ଖବର ଅନୁଯାୟୀ, ମୋଦିଙ୍କୁ ଭେଟିବା ବେଳେ ୫ ମହିଳା ବେଶ ଭାବପ୍ରବଣ ହୋଇଯାଇଥିଲେ। ସେମାନେ ମୋଦିଙ୍କ ଆଗରେ ନିଜ ପୀଡ଼ାକୁ ଉପସ୍ଥାପନ କରିଛନ୍ତି। ମହିଳାମାନେ ସେମାନଙ୍କ ଦୁଃଖ କହିବା ବେଳେ ମୋଦି ବେଶ ଶାନ୍ତର ସହ ସେମାନଙ୍କ କଥା ଶୁଣିଥିଲେ ବୋଲି ବିଜେପି ସୂତ୍ରରେ କୁହାଯାଇଛି। ଏହାପୂର୍ବରୁ ମୋଦି ମଧ୍ୟ ସନ୍ଦେଶଖାଲି ପ୍ରସଙ୍ଗ ଉଠାଇ କ୍ଷମତାସୀନ ଟିଏମସି ଉପରେ ଜୋରଦାର ଢଙ୍ଗରେ ବର୍ଷିଥିଲେ। ଟିଏମସି ଶାସନରେ ମହିଳାମାନଙ୍କୁ ସେମାନଙ୍କ ଜନ୍ମ ମାଟିରେ ହିଁ ନିର୍ଯାତନା ଦିଆଯାଉଛି ବୋଲି ମୋଦି କହିଥିଲେ। ସନ୍ଦେଶଖାଲିରେ ଯାହା ଘଟିଛି, ତାହା ସମସ୍ତଙ୍କ ମୁଣ୍ଡକୁ ଲଜ୍ଜାରେ ନୁଆଁ ଦେଇଛି। କିନ୍ତୁ ଟିଏମସି ସରକାର ଏହାକୁ ଆଦୌ ଖାତିର କରୁନାହିଁ। ବେଙ୍ଗଲବାସୀଙ୍କ ଅଭିଯୁକ୍ତଙ୍କୁ ଘଣ୍ଟ ଘୋଡ଼ାଇବା ପାଇଁ ଟିଏମସି ସବୁ ପ୍ରକାରର ଉଦ୍ୟମ କରୁଥିବା ମୋଦି ଅଭିଯୋଗ କରିଛନ୍ତି।
