ବେକାବୁ କାର୍ ଧକ୍କା ୩ ମହିଳା ମୃତ

ହାଇଦ୍ରାବାଦ: ତେଲେଙ୍ଗାନା ରାଜଧାନୀ ହାଇଦ୍ରାବାଦରେ ମଙ୍ଗଳବାର ଏକ ବେକାବୁ କାର୍ ଧକ୍କାରେ ମର୍ଣ୍ଣିଂୱାକ୍ କରୁଥିବା ତିନିଜଣ ମହିଳାଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣା ହାଇଦ୍ରାବାଦର ହାଇଦରଶକୋଟର ମେନ୍ ରୋଡ୍‌ରେ ସକାଳ ୬ଟା ୧୦ ମିନିଟ୍ ସମୟରେ ଘଟିଛି । ପୂରା ଘଟଣା ସିସିଟିଭିରେ କଏଦ ହୋଇଛି । ଭିଡିଓରୁ ଦେଖିବାକୁ ମିଳୁଛି, ସଡ଼କର ଏକ ମୋଡ଼ରେ ମର୍ଣ୍ଣିଂୱାକ୍‌ରେ ଯାଉଥିବା ମହିଳାମାନଙ୍କୁ ଆଗରେ ଦେଖି ଦ୍ରୁତଗତିରେ ଆସୁଥିବା କାର୍ ଚାଳକ ଅଚାନକ ବ୍ରେକ୍ ଲଗାଇଥିଲେ । ଅନିୟନ୍ତ୍ରିତ କାର୍‌ର ପଛ ଭାଗ ମହିଳାଙ୍କୁ ଧକ୍କାଦେଇ ରାସ୍ତାକଡ଼ରେ ଥିବା ବୁଦା ଭିତରେ ପଶିଯାଇଥିଲା । ତିନି ମହିଳାଙ୍କ ମଧ୍ୟରେ ଥିବା ସମ୍ବନ୍ଧ ସମ୍ପର୍କରେ କୌଣସି ସୂଚନା ମିଳିପାରି ନାହିଁ । ପୁଲିସ ଘଟଣାର ତଦନ୍ତ ଚଳାଇଛି ।