ବଜ୍ରପାତରେ ଚାଲିଗଲା ୨ ଜୀବନ

ଆନନ୍ଦପୁର : ବଜ୍ରପାତରେ ଚାଲିଗଲା ଦୁଇ ଚାଷୀଙ୍କ ଜୀବନ । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ହାଟଡ଼ିହି ବ୍ଲକ ନନ୍ଦିପଦା ଥାନା ସମଣା ପଞ୍ଚାୟତ ବହାରିପୁର ଗ୍ରାମରେ । ସୂଚନାଯୋଗ୍ୟ ଯେ, ବହାରିପୁର ଗ୍ରାମର ୫୦ବର୍ଷ ବୟସ୍କ ନୃସିଂହ ଜେନା ଓ ୪୮ବର୍ଷ ବୟସ୍କ କାହ୍ନୁ ଜେନା ବିଲକୁ କାମ କରିବାକୁ ଯାଇଥିଲେ । ଦିନ ପ୍ରାୟ ଗୋଟାଏ ବେଳେ ବଜ୍ରପାତ ହୋଇଥିଲା । ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ଘଟିଥିଲା । ପାଖ ବିଲରେ କାମ କରୁଥିବା ଅନ୍ୟ ଲୋକମାନେ ଦୌଡି ଆସି ସେମାନଙ୍କୁ ରାସ୍ତା ଉପରକୁ ଆଣିଥିଲେ । ପରେ ସେମାନଙ୍କୁ ଆନନ୍ଦପୁର ଡାକ୍ତରଖାନାକୁ ପଠାଯାଇଛି ।