ନୂଆଦିଲ୍ଲୀ : ଦିନକୁ ଦିନ ଗ୍ୟାସ ଦର ବଢୁଥିବା ବେଳେ ଉଜ୍ଜ୍ବଳା ଯୋଜନାରେ କେନ୍ଦ୍ର ସରକାର ଅଧିକରୁ ଅଧିକ ଗ୍ୟାସ ସଂଯୋଗ ବଢ଼ାଇବାକୁ ପ୍ରୟାସ ଆରମ୍ଭ କରିଦେଇଛନ୍ତି। କେନ୍ଦ୍ର ତୈଳ ସଚିବ କହିଛନ୍ତି, ଆସନ୍ତା ୨ବର୍ଷ ମଧ୍ୟରେ ଆଉ ୧ କୋଟି ମାଗଣା ଗ୍ୟାସ ସଂଯୋଗ ଦେବା ପାଇଁ ପ୍ରୟାସ କରାଯାଉଛି। ଏଣିକି ଗ୍ରାହକ ଚାହିଁଲେ ୩ଟି ଡିଲରଙ୍କଠାରୁ ଏଲପିଜି ଅର୍ଡର କରିପାରିବେ। ଗ୍ୟାସ ସଂଯୋଗ ପାଇଁ ଲୋକଙ୍କୁ ଆଉ ପ୍ରମାଣପତ୍ର ଦେବାକୁ ପଡ଼ିବ ନାହିଁ। ବିନା ପ୍ରମାଣ ପତ୍ରରେ ଲୋକଙ୍କୁ ମାଗଣାରେ ଗ୍ୟାସ ସଂଯୋଗ ମିଳିବ। ପ୍ରଧାନମନ୍ତ୍ରୀ ଉଜ୍ଜ୍ବଳା ଯୋଜନାର ପରିସରକୁ ଆହୁରି ବୃଦ୍ଧି କରାଯାଇଛି। ଆସନ୍ତା ୨ ବର୍ଷ ମଧ୍ୟରେ ୧ କୋଟି ମାଗଣା ସଂଯୋଗ ବଣ୍ଟନ କାର୍ଯ୍ୟ କରାଯିବ ବୋଲି ତୈଳ ସଚିବ ତରୁଣ କପୁର କହିଛନ୍ତି। ଏଥିପାଇଁ ଅଧିକ ଅର୍ଥ ଆବଶ୍ୟକ ସତ, କିନ୍ତୁ ସରକାରଙ୍କ କହିବା କଥା ହେଲା ଏବେ ଯେଉଁ ସବସିଡି ମିଳୁଛି, ସେଥିରେ ସଂଯୋଗ ବାଣ୍ଟିବାର କାମ ଆରାମରେ ହୋଇଯାଇପାରିବ। ପ୍ରାୟ ୧ କୋଟି ଅଧିକ ଲୋକଙ୍କୁ ଦେବା ପାଇଁ ପ୍ରସ୍ତୁତି ଚାଲିଛି। ଏଥିରୁ ସ୍ପଷ୍ଟ ଯେ ଏଥିରେ ଏକ ବିରାଟ ବଜେଟ୍ ମଧ୍ୟ ଖର୍ଚ୍ଚ ହେବ, ଯଦିଓ ଏହା ଏକ ଭିନ୍ନ କଥା ଯେ ବଜେଟରେ ଏହି ଯୋଜନା ପାଇଁ ପୃଥକ ଭାବରେ ଆବଣ୍ଟନ ପାଇଁ କୌଣସି ବ୍ୟବସ୍ଥା ନାହିଁ। ସରକାର କହିଛନ୍ତି ଯେ ବର୍ତ୍ତମାନ ସବସିଡି ଚାଲୁ ରହିଲେ ସଂଯୋଗ ବଣ୍ଟନ କାର୍ଯ୍ୟ ସହଜରେ ଶେଷ ହେବ ।