ସ୍ପେନ୍‌: ବୋଟ୍ ବୁଡ଼ି ୪ ଶରଣାର୍ଥୀ ମୃତ

ମାଦ୍ରିଦ: ସ୍ପେନ ଉପକୂଳସ୍ଥ ଭୂମଧ୍ୟ ସାଗରରେ ବୁଧବାର ଗୋଟିଏ ବୋଟ୍ ବୁଡିଯିବାରୁ ୪ ଜଣ ଶରଣାର୍ଥୀ ପ୍ରାଣ ହରାଇଛନ୍ତି । ଆଫ୍ରିକୀୟ ରାଷ୍ଟ୍ର ମରୋକ୍କର ୩୬ ଜଣ ଶରଣାର୍ଥୀଙ୍କୁ ନେଇ ଉକ୍ତ ବୋଟ୍‌ଟି ସ୍ପେନ ଅଭିମୁଖେ ଆସୁଥିବାବେଳେ ସମୁଦ୍ରରେ ବୁଡିଯାଇଥିଲା । ୩୨ ଜଣ ଶରଣାର୍ଥୀ ପହଁରି ପହଁରି ଜୀବନ ବଞ୍ଚାଇଥିବା ଜଣାପଡିଛି । ଚଳିତବର୍ଷ ମରୋକ୍କ ଓ ଆଲଜେରିଆରୁ ୧୩ ହଜାର ଶରଣାର୍ଥୀ ସ୍ପେନରେ ପହଞ୍ଚିଥିବା କୁହାଯାଇଛି ।