ଆରପାରିରେ ହୁସେନ

ନୂଆଦିଲ୍ଲୀ : ଆଉ ନାହାଁନ୍ତି ବିଶିଷ୍ଟ ତବଲୀ ବାଦକ ଜାକିର ହୁସେନ । ମୃତ୍ୟୁ ବେଳକୁ  ତାଙ୍କୁ ୭୩ ବର୍ଷ ବୟସ ହୋଇଥିଲା ।  କିଛିଦିନ ତଳେ  ସ୍ୱାସ୍ଥ୍ୟାବସ୍ଥା ଖରାପ ଥିବାରୁ  ତାଙ୍କୁ ଆମେରିକାର ସାନ ଫ୍ରାନ୍ସିସ୍କୋର ଏକ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା । ଚିକିତ୍ସିତ ଅବସ୍ଥାରେ ତାଙ୍କର ନିଧନ ଘଟିଛି । ସେ ହୃଦଜନିତ ଓ ରକ୍ତଚାପଜନିତ ସମସ୍ୟାର ସମ୍ମୁଖୀନ ଥିବା ଯୋଗୁଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଗତ ଦୁଇ ସପ୍ତାହ  ଧରି ହସ୍ପିଟାଲରେ ଭର୍ତ୍ତି ଥିଲେ । ଜାକିର ହୁସେନଙ୍କ ପରିବାର ଆଜି  ସକାଳେ ତାଙ୍କ  ନିଧନ  ସମ୍ପର୍କରେ ସୂଚନା ଦେଇଥିଲେ ।  ୧୯୮୮ରେ ତାଙ୍କୁ ପଦ୍ମଶ୍ରୀ ଏବଂ ୨୦୦୨ରେ ପଦ୍ମ ଭୂଷଣ  ଏବଂ ୨୦୨୩ ରେ ପଦ୍ମ ବିଭୂଷଣ ଉପାଧିରେ ସମ୍ମାନିତ କରାଯାଇଥିଲା ଜାକିର ହୁସେନଙ୍କ ନିଧନରେ ସାରା ଦେଶରେ ଶୋକର ଛାୟା ଖେଳିଯାଇଛି ।