ମୋ ମୁହଁ ବନ୍ଦ କରିପାରିବେନି-ରାହୁଲ

ନୂଆଦିଲ୍ଲୀ: ସାଂସଦ ପଦ ରଦ୍ଦ ପରେ ମୁହଁ ଖୋଲିଲେ ରାହୁଲ ଗାନ୍ଧି । ବାରମ୍ବାର କହୁଛି, ଭାରତରେ ଲୋକତନ୍ତ୍ର ଉପରେ ଆକ୍ରମଣ ହେଉଛି । ଏନେଇ ଆମକୁ ଦୈନିକ ନୂଆ ନୂଆ ଉଦାହରଣ ମିଳିଛି । ଆଦାନୀଙ୍କ କମ୍ପାନିରେ ୨୦ହଜାର କୋଟି ଟଙ୍କା କିଏ ନିବେଶ କରିଛି? ଆଦାନୀଙ୍କ ସହ ମୋଦିଙ୍କ ସଂପର୍କ କିଛି ନୂଆ କଥା ନୁହେଁ ବହୁ ପୁରୁଣା । ସଂସଦରେ ପ୍ରଶ୍ନ କରିଥିଲି,କିନ୍ତୁ ମୋ ପ୍ରଶ୍ନକୁ ବିବରଣୀକୁ ବାଦ ଦିଆଗଲା । ମୋ ସର୍ମ୍ପକରେ ମନ୍ତ୍ରୀମାନେ ମିଛ କହିଲେ । ମତେ କହିବାକୁ ସୁଯୋଗ ଦିଆଗଲାନି ବୋଲି କହିଛନ୍ତି ରାହୁଲ ଗାନ୍ଧି । ମୁଁ ପ୍ରଶ୍ନ କରିବି ମୋତେ କେହି ଡରାଇ ପାରିବେନି । ଡରାଇ ଧମକାଇ ମୋ ମୁହଁ କେହି ବନ୍ଦ କରିପାରିବେନି । ମୁଁ ଭାରତର ଲୋକତନ୍ତ୍ର ପାଇଁ ଲଢୁଛି,ଚୁପ ରହିପାରିବିନି । ମୋ ପରବର୍ତ୍ତୀ ଭାଷଣକୁ ଡରି ମୋ ପଦ ରଦ୍ଦ କରାଗଲା । ମୋତେ ସବୁଦିନ ପାଇଁ ଡିସକାଲିଫାଏ କଲେ ବି ଚୁପ ହେବିନି । ଏଦେଶ ମତେ ବହୁତ କିଛି ଦେଇଛି ଦେଶ ପାଇଁ ମୁଁ ଲଢିବି । ମନେ ସେମାନେ ଜେଲରେ ପୁରାଇଦେଲେ ବି ମୁଁ ଚୁପ ହେବିନି । ଭାରତର ନ୍ୟାୟ ବ୍ୟବସ୍ଥାକୁ ମୁଁ ସମ୍ମାନ ଜଣାଉଛି ବୋଲି କହିଛନ୍ତି ରାହୁଲ ଗାନ୍ଧି ।