କଟକ: ଲାଲବାଗ ଥାନା ଅନ୍ତର୍ଗତ ଓଡ଼ିଆବଜାର ଅଞ୍ଚଳରେ ଜଣେ ମହିଳାଙ୍କୁ ଗଳାକାଟି ହତ୍ୟା କରାଯାଇଛି। ସଂପୃକ୍ତ ମହିଳାଭ୍କ ମୃତଦେହକୁ ପୁଲିସ ଉଦ୍ଧାର କରିଛି। ମୃତ ମହିଳା ହେଲେ ବି ଗୁଣାବତୀ (୪୫)।
ସୂଚନା ଅନୁସାରେ ଓଡ଼ିଆବଜାରର କୁତ୍ତାଖାଇ ଗଳିରେ ବି ଗୁଣାବତୀ ନାଁରେ ଜଣେ ମହିଳାଙ୍କ ଗଳାକାଟି ହତ୍ୟା କରାଯାଇଛି। ଘରେ କେହି ନଥିବା ବେଳେ କେହି ଦୁର୍ବୃତ୍ତ ଆସି ଗଳାକାଟି ଦେଇ ଘଟଣାସ୍ଥଳରୁ ଫେରାର ହୋଇଯାଇଛି। ହତ୍ୟାକାଣ୍ଡ ନେଇ ମହିଳାଙ୍କ ସ୍ବାମୀ ବି ଆପ୍ପା ରାଓ ଅଭିଯୋଗ କରିଛନ୍ତି। ଖବର ପାଇ ଘଟଣାସ୍ଥଳରେ ପହଞ୍ଚିଛି ଲାଲବାଗ ଥାନା ପୁଲିସ ଓ ସାଇଣ୍ଟିଫିକ୍ ଟିମ୍।
ମୃତ ମହିଳାଙ୍କ ଦୁଇ ପୁଅ ଓ ଝିଅ ଅଛନ୍ତି। ବର୍ତ୍ତମାନ ସୁଦ୍ଧା ହତ୍ୟାର କାରଣ ଜଣାପଡ଼ି ନାହିଁ। ପୁଲିସ ଟିମ୍ ଘଟଣାର ତଦନ୍ତ କରୁଥିବା ବେଳେ ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ହୋଇଥାଇପାରେ ବୋଲି ସନ୍ଦେହ କରାଯାଉଛି। ତେବେ ସ୍ପଷ୍ଟ ଦିବାଲୋକରେ ଏହି ହତ୍ୟାକାଣ୍ଡ ହୋଇଥିବାରୁ ସହରବାସୀଙ୍କ ମନରେ ଭୟ ସୃଷ୍ଟି ହୋଇଛି।
