ଭୁବନେଶ୍ୱର: ମହିଳାଙ୍କୁ ଟଣାଓଟରା କରିବା ଅଭିଯୋଗରେ ଜଣେ ଯୁବକଙ୍କୁ ଗିରଫ କରି ମଞ୍ଚେଶ୍ୱର ଥାନା ପୁଲିସ କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲେ ରଙ୍ଗମାଟିଆ ଗ୍ରାମର ଉପେନ୍ଦ୍ର ବେହେରା । ସୂଚନାଯୋଗ୍ୟ ଯେ, ଗତ ତା ୨୫.୦୨.୨୦୨୩ ରିଖରେ ପୀଡ଼ିତା ତାଙ୍କର ଘର ସାମ୍ନାରେ ଠିଆ ହୋଇଥିବା ସମୟରେ ଉପେନ୍ଦ୍ର ତାଙ୍କ ନିକଟକୁ ଆସିଥିଲେ ଏବଂ ତାଙ୍କୁ ଦୁର୍ବ୍ୟବହାର କରିବା ସହିତ ଟଣା ଓଟରା କରିଥିଲେ । ସୌଭାଗ୍ୟବସତ୍ତ ପୀଡ଼ିତା ତାଙ୍କର କବଳରୁ ଖସି ଯାଇ ତୁରନ୍ତ ନିଜ ଘରକୁ ଚାଲି ଯାଇଥିଲେ ଏବଂ ଭିତରୁ କବାଟ ବନ୍ଦ କରିଦେଇଥିଲେ ।
ଏହା ପରେ ଅଭିଯୁକ୍ତ ବାହାରେ ଥାଇ ଅସଭ୍ୟ ଭାଷା କହିବା ସହିତ କବାଟକୁ ଗୋଇଠା ମାରିଥିଲେ । ପୀଡ଼ିତା ଘର ଭିତରେ ନୀରବ ରହିଥିବାରୁ ଅଭିଯୁକ୍ତ ଜଣକ ପିଡ଼ିତାଙ୍କର ପୋଷାକ, ଚାଲି ଚଳଣ ଆଦି ଉପରେ ଅଶ୍ଳୀଳ ଇଙ୍ଗିତ କରି ଘଟଣା ସ୍ଥଳରୁ ଚାଲି ଯାଇଥିଲେ । ମଞ୍ଚେଶ୍ୱର ଥାନା ପୁଲିସ ଖବର ପାଇ ଅଭିଯୁକ୍ତ କୁ କାବୁ କରି ତଦନ୍ତ ପାଇଁ ଥାନାକୁ ଆଣିଥିଲେ । ତଦନ୍ତ ସମୟରେ ଅଭିଯୁକ୍ତ ନିଜର ଅପରାଧ ସ୍ୱୀକାର କରିଥିଲେ । ପରବର୍ତୀ ଆଇନଗତ କାର୍ଯ୍ୟାନୁଷ୍ଠାନ ନିଆଯିବା ପରେ ଆଜି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
