ଖୋର୍ଦ୍ଧା : ହାତୀ ଆକ୍ରମଣରେ ମହିଳା ମୃତ। ଖୋର୍ଦ୍ଧା ବନ ବିଭାଗ ଅଧିନରେ ଥିବା ପାନବରଜ ଗ୍ରାମରେ ଏଭଳି ଘଟଣା ଘଟିଛି। ହାତୀ ଆକ୍ରମଣରେ ଆଉ ୨ ଜଣ ଆହତ ହୋଇଛନ୍ତି। ସୂଚନାନୁଯାୟୀ, ହାତୀ ଆକ୍ରମଣରେ ପାନବରଜ ଗ୍ରାମର ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଛନ୍ତି। ଗ୍ରାମର ଖେଳ ପଡିଆରୁ ସୋମବାର ସକାଳେ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି। ମୃତ ମହିଳା ଜଣଙ୍କ ଉକ୍ତ ଗ୍ରାମର କିରଣବାଲା ମାନ୍ଧାତା। ସେହିପରି ଉକ୍ତ ଗ୍ରାମର ରମା ବେହେରା ଓ ଟାଙ୍ଗିଆପଡ଼ା ଗ୍ରାମର ବିକ୍ରମ କେଶରୀ ସାମନ୍ତରାୟ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ଚିକିତ୍ସା ପାଇଁ ଡ଼ାକ୍ତରଖାନାରେ ଭର୍ତି କରାଯାଇଛି।
