ବେଜିଂ : ଚୀନ୍ରେ ସେନାର ଅପମାନ ଅଭିଯୋଗରେ ଜଣେ ମହିଳାଙ୍କୁ ଗିରଫ କରାଯାଇଛି । ଗିରଫ ମହିଳାଙ୍କ ନାମ ଶୀ’ । ତାଙ୍କ ବିରୋଧରେ ଚୀନ୍ ସେନାର ପରିହାସକୁ ସେ ସମର୍ଥନ କରିଥିବା ଅଭିଯୋଗ ହୋଇଛି । ପ୍ରକୃତରେ ଏକ କମେଡ଼ି ଶୋ’ରେ ଚୀନ୍ର ପ୍ରସିଦ୍ଧ କମେଡ଼ିଆନ୍ ହାଓଶୀ ଦୁଇଟି କୁକୁରଙ୍କ ବ୍ୟବହାରର ତୁଳନା ସି ଜିନ୍ପିଙ୍ଗ୍ଙ୍କ ସାମରିକ ସ୍ଳୋଗାନ ସହିତ କରିଥିଲେ । ଏହି ପରିହାସ ପରେ ତାଙ୍କୁ କମ୍ପାନୀରୁ ବାହାର କରାଯାଇଥିଲା ।
କମେଡ଼ିଆନ୍ଙ୍କୁ ବରଖାସ୍ତ କରାଯିବା ଭୁଲ ବୋଲି ମହିଳା ଜଣକ କହିଥିଲେ । ସେ ଆହୁରି କହିଥିଲେ, ଆମ ସୈନିକ ମଧ୍ୟ ଜଣେ ଅନ୍ୟର ଭାଇ । ପରିହାସରେ ସେମାନଙ୍କ ତୁଳନା ପଶୁଙ୍କ ସହିତ କରିବା ଭୁଲ ନୁହେଁ । ବ୍ଲୁମ୍ବର୍ଗ ରିପୋର୍ଟ ଅନୁସାରେ ଏହି ଘଟଣା ଚୀନ୍ର ଉତ୍ତର-ପୂର୍ବାଞ୍ଚଳ ସହର ଡାଲିଆନ୍ର । ଅନ୍ୟପକ୍ଷରେ ପୁଲିସ ପକ୍ଷରୁ ଜାରି ବୟାନରେ କୁହାଯାଇଛି ଚୀନ୍ ସୈନିକଙ୍କ ସମ୍ମାନ କରାଯିବା ଉଚିତ ।
