ନୂଆଦିଲ୍ଲୀ: ମନ୍ଦିରରେ ପ୍ରବେଶ କରିବା ସମୟରେ ଘଣ୍ଟି ବଜାଇବାର ପରମ୍ପରା ପ୍ରାଚୀନ କାଳରୁ ଚାଲିଆସୁଛି। ଘରେ କିମ୍ବା ମନ୍ଦିରରେ ପୂଜା ସମୟରେ ଘଣ୍ଟି ବଜାଯାଏ, ଘଣ୍ଟି ବଜାଇବା ବିନା ଆଳତୀକୁ ଅସମ୍ପୂର୍ଣ୍ଣ ବିବେଚନା କରାଯାଏ । ତେବେ ମନ୍ଦିରରେ ପ୍ରବେଶ କରିବା ପୂର୍ବରୁ କାହିଁକି ଘଣ୍ଟି ବଜାଯାଏ? ଏହା ପଛର କାରଣ କ’ଣ? ଚାଲନ୍ତୁ ଜାଣିବା ସେହି ବିଷୟରେ।
ଘଣ୍ଟି ବଜାଇବାର ଧାର୍ମିକ ମହତ୍ୱ :
-ଧାର୍ମିକ ଗ୍ରନ୍ଥ ଅନୁଯାୟୀ, ମନ୍ଦିରରେ ଘଣ୍ଟି ବଜାଇବା ଦ୍ୱାରା ସେଠାରେ ସ୍ଥାପିତ ଦେବାଦାବୀଙ୍କର ମୂର୍ତ୍ତିରେ ଚେତନା ଜାଗ୍ରତ ହୁଏ। କୁହାଯାଏ ଏହା ପରେ ପୂଜା ଅତ୍ୟନ୍ତ ପ୍ରଭାବଶାଳୀ ହୁଏ ଏବଂ ଭଗବାନ ଆପଣଙ୍କ ପ୍ରାର୍ଥନା ଶୁଣନ୍ତି। ଘଣ୍ଟି ବଜାଇବା ଅର୍ଥ ଭଗବାନଙ୍କ ଆଗରେ ଆପଣଙ୍କ ଉପସ୍ଥିତି।
-ଧାର୍ମିକ ବିଶ୍ୱାସ ଅନୁଯାୟୀ, ଘଣ୍ଟି ବଜାଇବା ଦ୍ୱାରା ଦେବାଦାବୀ ପ୍ରସନ୍ନ ହୋଇଥାନ୍ତି ଏବଂ ଭକ୍ତଙ୍କୁ ଆଶୀର୍ବାଦ କରିଥାନ୍ତି। କୁହାଯାଏ ଭଗବାନଙ୍କୁ ଘଣ୍ଟି, ଶଙ୍ଖ ଆଦି ଶବ୍ଦ ଅତ୍ୟନ୍ତ ପ୍ରିୟ। ଘଣ୍ଟିର ଶବ୍ଦ ପରିବେଶରେ ଶୁଦ୍ଧତା ଆଣିଥାଏ।
-ଘଣ୍ଟିକୁ ବ୍ରହ୍ମାଣ୍ଡର ସୃଷ୍ଟି ସମୟରେ ପ୍ରକାଶିତ ଧ୍ୱନିର ପ୍ରତୀକ ଭାବରେ ବିବେଚନା କରାଯାଏ। ଏହି କାରଣରୁ ଘଣ୍ଟି ବଜାଇ ଦ୍ୱାରା ଶୁଭ କାର୍ଯ୍ୟ ଆରମ୍ଭ ହୁଏ, ତେବେ ଈଶ୍ୱରଙ୍କ ଆଶୀର୍ବାଦ ନିଶ୍ଚିତ ଭାବରେ ପ୍ରାପ୍ତ ହୁଏ।
ଘଣ୍ଟି ବଜାଇବାର ବୈଜ୍ଞାନିକ କାରଣ :
-ବୈଜ୍ଞାନିକ ଦୃଷ୍ଟିକୋଣରୁ ମନ୍ଦିରରେ ଘଣ୍ଟି ବଜାଇବା ଦ୍ୱାରା ପରିବେଶରେ ବହୁ ଦୂର ପର୍ଯ୍ୟନ୍ତ କମ୍ପନ ହୋଇଥାଏ। ଏହି କାରଣରୁ, ବାୟୁରେ ଥିବା ବିଭିନ୍ନ ପ୍ରକାରର କ୍ଷତିକାରକ ଜୀବାଣୁ ଦୂର ହୋଇଯାଏ।
-ମନ୍ଦିରରେ ଘଣ୍ଟିର ଶବ୍ଦ ତରଙ୍ଗ ବାୟୁମଣ୍ଡଳକୁ ପ୍ରଭାବିତ କରେ ଏବଂ ଏହା ଶାନ୍ତ, ପବିତ୍ର, ଧାର୍ମିକ ଏବଂ ମନୋରମ ପରିବେଶ ସୃଷ୍ଟି କରେ। ଏହା ନକାରାତ୍ମକ ଶକ୍ତି ନଷ୍ଟ କରି ସକରାତ୍ମକ ଶକ୍ତି ବିସ୍ତାର କରିଥାଏ।
