ନୂଆଦିଲ୍ଲୀ : ଅଧିକାଂଶ ଲୋକ ଚିପ୍ସ ଖାଇବାକୁ ବହୁତ ପସନ୍ଦ କରନ୍ତି। କାରଣ ଏହାର ସ୍ୱାଦ ଏତେ ସୁନ୍ଦର ହୋଇଥାଏ ଯେ ମନୋବଳକୁ ଭଲ ରଖିବା ପାଇଁ ଅନେକ ଥର ଲୋକମାନେ ଏହାକୁ ଖାଆନ୍ତି। ଆପଣ ମଧ୍ୟ ଅନେକ ଥର ଚିପ୍ସ ଖାଇଥିବେ ଏବଂ ଏହା ମଧ୍ୟ ଦେଖିଥିବେ ଯେ ଏହାର ପ୍ୟାକେଟ୍ କେବେବି ପୂର୍ଣ୍ଣ ରହିନଥାଏ। ଯେତେବେଳେ ବି ଆମେ ପ୍ୟାକେଟ୍ ଖୋଲୁ, ଏଥିରେ ଅଧା ଚିପ୍ସ ରହିଥାଏ। ଅନେକ ସମୟରେ ଆମେ ଅଧା ଭର୍ତି ପ୍ୟାକେଟକୁ ନିର୍ମାତାଙ୍କ ଠକାମି ବୋଲି କହିଥାଉ। କିନ୍ତୁ ଏହା କରିବା ପଛରେ ଏକ ବିଶେଷ କାରଣ ରହିଛି। ଯାହା ଜାଣିବା ପରେ ଆପଣ ଉତ୍ପାଦନକାରୀ କମ୍ପାନୀ ଉପରେ କଦାପି କ୍ରୋଧ କରିବେନି ।
ବ୍ରିଟେନର ସ୍ନାକ୍, ନଟ୍ ଏବଂ କ୍ରିପ୍ ଉତ୍ପାଦକ ଆସୋସିଏସ ନ୍ ଅନୁଯାୟୀ, ପ୍ୟାକେଟର ଅଧା ଖାଲି ରଖାଯାଏ ଯାହା ଦ୍ୱାରା ଚିପ୍ସକୁ ଅଧିକ ସମୟ ସତେଜ ରଖାଯାଇପାରିବ। ଏହା ପଛରେ ଗୋଟିଏ କାରଣ ହେଉଛି ଚିପ୍ସ ବହୁତ ନରମ, ଯାହା ହାଲୁକା ସ୍ପର୍ଶ ଦ୍ୱାରା ମଧ୍ୟ ଭାଙ୍ଗିପାରେ। ପ୍ୟାକେଟ ଫୁଲିବା କାରଣରୁ, ଭିତରେ ଭର୍ତ୍ତି ବାୟୁ ଏହାକୁ ଭାଙ୍ଗିବାରୁ ବଞ୍ଚାଇଥାଏ। ୨୦୧୭ ମସିହାରେ, CDA ଆପ୍ଲାଏନ୍ସ ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ହାରାହାରି ଚିପ୍ସର ପ୍ୟାକେଟ୍ ୭୨ ପ୍ରତିଶତ ପର୍ଯ୍ୟନ୍ତ ଖାଲି ରହିଥାଏ। କେବଳ ୨୮ ପ୍ରତିଶତ ଚିପ୍ସରେ ରହିଥାଏ। ତେବେ ପାକ୍ୟାଟରେ ଖାଲି ୭୨ ପ୍ରତିଶତ ବାୟୁ ନଥାଏ, ବରଂ ନାଇଟ୍ରୋଜେନ ଗ୍ୟାସ ଭରାଯାଇଥାଏ । ଏହି ନାଇଟ୍ରୋଜେନ୍ ଗ୍ୟାସ୍ ଚିପ୍ସକୁ ପ୍ୟାକେଟରେ ଭାଙ୍ଗିବାରେ ରୋକିଥାଏ ଏବଂ ଏହାକୁ ବାସି ହେବାକୁ ମଧ୍ୟ ଦେଇନଥାଏ।
