ପଞ୍ଜାବ: ପଞ୍ଜାବ କଂଗ୍ରେସରେ ମୁଖ୍ୟମନ୍ତ୍ରୀ ପ୍ରାର୍ଥୀକୁ ନେଇ କଳ୍ପନାଜଳ୍ପନା ଲାଗି ରହିଥିବା ବେଳେ କିଏ ହେବେ ମୁଖ୍ୟମନ୍ତ୍ରୀ ଚେହେରା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତେବେ ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନି କିମ୍ବା ପଞ୍ଜାବ କଂଗ୍ରେସର ନବଜୋତ୍ ସିଂହ ଚନ୍ନିଙ୍କ ମଧ୍ୟରୁ କେହି ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇପାରନ୍ତି । ପଞ୍ଜାବ କଂଗ୍ରେସରେ କୌଣସି କନ୍ଦଳ ନାହିଁ ବୋଲି କଂଗ୍ରେସର କରିଷ୍ଠ ନେତା ସୁନିଲ ଜାଖର କହିଛନ୍ତି । ସୋସିଆଲ ମିଡିଆରେ ଜାଖରଙ୍କ ଭାଇରାଲ ହୋଇଥିବା ଏକ ଭିଡିଓରୁ ଏଭଳି ତଥ୍ୟ ସାମ୍ନାକୁ ଆସିଛି । ଜାଖରଙ୍କ କହିବା ଅନୁଯାୟୀ, ପୂର୍ବତନ ସିଏମ କ୍ୟାପଟେନ ଅମରିନ୍ଦର ସିଂ ଗତବର୍ଷ ଦଳରୁ ଇସ୍ତଫା ଦେବା ପରେ ପଞ୍ଜାବର ୭୯ ଜଣ ବିଧାୟକ ଚନ୍ନିଙ୍କୁ ମୁଖ୍ୟମନ୍ତ୍ରୀ ଭାବେ ଚୟନ କରିଥିଲେ ।
କଂଗ୍ରେସ ନେତା ସୁନୀଲ ଜାଖର ଦାବି କରିଛନ୍ତି ଯେ ଗତବର୍ଷ କ୍ୟାପଟେନ ଅମରିନ୍ଦର ସିଂଙ୍କ କଂଗ୍ରେସ ଛାଡିବା ପରେ ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି ଏବଂ ପଞ୍ଜାବ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁ ମୁଖ୍ୟମନ୍ତ୍ରୀ ପଦବୀ ପାଇଁ ପଞାବ ବାସୀଙ୍କ ପ୍ରଥମ ପସନ୍ଦ । ତେବେ ପଞ୍ଜାବ ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ପ୍ରାର୍ଥୀ କିଏ ହେବେ ସେ ନେଇ ବିଚାରବିମର୍ଷ ଚାଲିଛି । ମିଳିଥିବା ସୁଚନା ମୁତାବକ ମୁଖ୍ୟମନ୍ତ୍ରୀ ଚନ୍ନି ଓ କଂଗ୍ରେସ ସଭାପତି ନବଜୋତ୍ ସିଂହ ସିନ୍ଧୁଙ୍କ ମଧ୍ୟରେ ଆସନ୍ତା ମୁଖ୍ୟମନ୍ତ୍ରୀ ପାଇଁ ତୀବ୍ର ପ୍ରତିଯୋଗିତା ଦେଖିବାକୁ ମିଳୁଛି ।
