ଭୁବନେଶ୍ୱର: ଓଡିଶାରେ କେବେ ହେବ ବିଧାନ ପରିଷଦ । ପାର୍ଲାମେଣ୍ଟରେ ଓଡ଼ିଶା ବିଧାନ ପରିଷଦ ଗଠନ ପ୍ରସ୍ତାବ କେନ୍ଦ୍ର ପାସ୍ କରିବା ଦାବି ଜୋର ଧରିଲା । ବିଜେଡି ବିଧାୟକ ତଥା ବିଧାନ ପରିଷଦ କମିଟି ଅଧ୍ୟକ୍ଷ ନୃସିଂହ ସାହୁ ଏନେଇ ପ୍ରତିକ୍ରିୟା ରଖିଛନ୍ତି । ୨୦୧୮ରେ ବିଧାନସଭାରେ ସର୍ବସମ୍ମତି କ୍ରମେ ବିଧାନ ପରିଷଦ ପ୍ରସ୍ତାବ ପାରିତ ହୋଇଥିଲା । ଏହାକୁ କେନ୍ଦ୍ର ନିକଟକୁ ପଠାଯାଇଛି । ଗତକାଲି BJD ସାଂସଦ ପିନାକୀ ମିଶ୍ରଙ୍କ ପ୍ରଶ୍ନର ଉତ୍ତର ଆସିଛି କ୍ଷ କେନ୍ଦ୍ର ଏହାକୁ ବିଚାର କରୁଛି ଓ ନିର୍ଦ୍ଦିଷ୍ଟ ସମୟ ଦେଉନାହିଁ। ତୁରନ୍ତ କେନ୍ଦ୍ର ସରକାର ବିଧାନ ପରିଷଦ ପ୍ରସ୍ତାବ ପାରିତ କରନ୍ତୁ ।
ଏନେଇ ରାଜସ୍ବ ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି, ଓଡ଼ିଶାରେ ବିଧାନ ପରିଷଦ ଗଠନ ଆବଶ୍ୟକ । ବିଭିନ୍ନ ରାଜ୍ୟ ବୁଲି ବିଧାନ ପରିଷଦ ନେଇ ରିପୋର୍ଟ ସଂଗ୍ରହ କରାଯାଇଥିଲା । କେନ୍ଦ୍ର ଏହା ଉପରେ ତୁରନ୍ତ ମୋହର ମାରୁ । ଓଡ଼ିଶାରେ ବିଧାନ ପରିଷଦ ଗଠନ ଆବଶ୍ୟକ ବୋଲି କଂଗ୍ରେସ ବିଧାୟକ ସୁରେଶ ରାଉତରାୟ ମଧ୍ୟ କହିଛନ୍ତି । ବିଧାନସଭା ପକ୍ଷରୁ ଦିଆଯାଇଥିବା ପ୍ରସ୍ତାବ ଉପରେ ତୁରନ୍ତ କେନ୍ଦ୍ର ମୋହର ମାରୁ ।
ଓଡିଶାରେ କେବେ ହେବ ବିଧାନ ପରିଷଦ?
