ପଶ୍ଚିମବଙ୍ଗ ପଞ୍ଚାୟତ ନିର୍ବାଚନ, ଟିଏମ୍‌ସି ଆଗୁଆ

କୋଲକାତା : ପଶ୍ଚିମବଙ୍ଗରେ ଗତ ଶନିବାର ପଞ୍ଚାୟତ ନିର୍ବାଚନ ପାଇଁ ଭୋଟଗ୍ରହଣ କରାଯାଇଥିବାବେଳେ ମଙ୍ଗଳବାର ଗଣତି ଆରମ୍ଭ ହୋଇଛି । ରିପୋର୍ଟ ପ୍ରସ୍ତୁତି ସୁଦ୍ଧା କ୍ଷମତାସୀନ ତୃଣମୂଳ କଂଗ୍ରେସ (ଟିଏମ୍‌ସି) ଅନ୍ୟ ବିରୋଧୀ ଦଳଙ୍କ ତୁଳନାରେ ଯଥେଷ୍ଟ ଆଗୁଆ ରହିଥିବା ଜଣାପଡିଛି । ୭୪ ହଜାର ପଞ୍ଚାୟତ ଆସନ ମଧ୍ୟରୁ ଟିଏମ୍‌ସି ୨୩,୧୯୮ ଆସନରେ ଆଗୁଆ ରହିଥିବାବେଳେ ବିଜେପି ୫୭୫୬, ସିପିଏମ ୨୦୪୮ ଏବଂ କଂଗ୍ରେସ ୧୪୩୯ ଆସନରେ ଆଗୁଆ ରହିଛି । ଟିଏମ୍‌ସିର ବିପୁଳ ବିଜୟ ନିଶ୍ଚିତ ଜଣାପଡୁଥିବାବେଳେ ଦଳୀୟ ସମର୍ଥକମାନେ ବିଭିନ୍ନ ସ୍ଥାନରେ ବିଜୟ ଉତ୍ସବ ପାଳନ କରିବା ଆରମ୍ଭ କରିଦେଇଛନ୍ତି ।