ପ୍ଲେୟାର ଅଫ ଦ ମନ୍ଥ ହେଲେ ବିରାଟ କୋହଲି

ନୂଆଦିଲ୍ଲୀ : ଆଇସିସି ଅକ୍ଟୋବର ମାସର ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ ଘୋଷଣା କରିଛି। ଏଥର ବିରାଟ କୋହଲିଙ୍କୁ ଏହି ଆଓ୍ଵାର୍ଡ ମିଳିଛି। ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ ଏବଂ ଟି-୨୦ ବିଶ୍ୱକପରେ ଜବରଦସ୍ତ ପ୍ରଦର୍ଶନ ପାଇଁ ବିରାଟଙ୍କୁ ଏହି ସମ୍ମାନ ମିଳିଛି। ଆଉ ଏହି ଆଓ୍ଵାର୍ଡ ମିଳିବା ପରେ ବିରାଟ ଗର୍ବ ଅନୁଭବ କରୁଛନ୍ତି। ଏହି ସମ୍ମାନ ଜିତି ବିରାଟ କୋହଲି ଜିମ୍ବାେଓ୍ଵର ଅଲରାଉଣ୍ଡର ସିକନ୍ଦର ରଜା ଏବଂ ଦକ୍ଷିଣ ଆଫ୍ରିକାର ଡେଭିଡ ମିଲରଙ୍କୁ ପଛରେ ପକାଇ ଦେଇଛନ୍ତି। ବିରାଟ ପ୍ରଥମ ଥର ପାଇଁ ଏହି ଆଓ୍ଵାର୍ଡ ଜିତିଛନ୍ତି। ଅକ୍ଟୋବର ମାସରେ ଜବରଦସ୍ତ ବ୍ୟାଟିଂ କରିଥିଲେ ବିରାଟ। ଟିମ୍ ଇଣ୍ଡିଆ ପାଇଁ ଜବରଦସ୍ତ ପ୍ରଦର୍ଶନ ପାଇଁ ଏହି ଆଓ୍ଵାର୍ଡ ଦିଆଯାଇଛି। ଟି-୨୦ ବିଶ୍ୱକପରେ ବିରାଟ କୋହଲି ପାକିସ୍ତାନ ବିପକ୍ଷରେ ୮୨ ରନ୍ କରି ଖେଳିଥିଲେ। ବିରାଟଙ୍କ ଇନିଂସ ହାରୁଥିବା ମ୍ୟାଚକୁ ବିଜୟ କରାଇଥିଲା। ଏହା ସହିତ ନେଦରଲାଣ୍ଡ ବିପକ୍ଷରେ ୬୨ ରନ୍ କରି ଶାନଦାର ପାଳି ଖେଳିଥିଲେ।