ନୁଆଦିଲ୍ଲୀ: ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁସ୍କର ସିଂ ଧାମୀ ଚମ୍ପାବତ ବିଧାନସଭା ନିର୍ବାଚନରେ ବିପୁଳ ଭୋଟରେ ବିଜୟ ଲାଭ କରିଛନ୍ତି । ସେ କଂଗ୍ରେସର ନିର୍ମଳା ଗହତୋଡ଼ିଙ୍କୁ ୫୪,୧୨୧ ଭୋଟରେ ପରାଜିତ କରିଛନ୍ତି । ପୁସ୍କର ସିଂ ଧାମୀଙ୍କ ନେତୃତ୍ୱରେ ବିଜେପି ଉତ୍ତରାଖଣ୍ଡ ବିଧାନସଭା ନିର୍ବାଚନ ନଉକା ପାର୍ ହୋଇଯାଇଥିଲା କିନ୍ତୁ ଧାମୀ ନିଜେ ଖଟିମା ଆସନରୁ ନିର୍ବାଚନରେ ପରାଜୟର ସାମ୍ନା କରିଥିଲେ।
ଏହାବାଦ୍ ପାର୍ଟି ପୁସ୍କର ସିଂ ଧାମୀଙ୍କୁ ମୁଖ୍ୟମନ୍ତ୍ରୀ କରିଥିଲା। ଏବେ ସେ ଚମ୍ପାବତ ଆସନରୁ ଉପନିର୍ବାଚନରେ ମଇଦାନକୁ ଓଲ୍ଲାଇଥିଲେ । ମେ ୩୧ରେ ଏଠାରେ ନିର୍ବାଚନ ହୋଇଥିଲା। ଉପନିର୍ବାଚନ ଫଳାଫଳ ଆସିବା ମାତ୍ରେ ଜନତାଙ୍କୁ ଧନ୍ୟବାଦ ଜଣାଇବା ପାଇଁ ମୁଖ୍ୟମନ୍ତ୍ରୀ ପୁସ୍କତ ସିଂ ଧାମୀ ତୁରନ୍ତ ଟନକପୁର ପହଞ୍ଚିଯାଇଛନ୍ତି। ସେଠାରେ ଏବେ ବହୁସଂଖ୍ୟାରେ କାର୍ଯ୍ୟକର୍ତ୍ତାଙ୍କ ଭିଡ଼ ଜମିବାରେ ଲାଗିଛି।
