ଡିଏଭି ପୋଖରୀପୁଟରେ ଉତ୍କଳମଣି ଗୋପବନ୍ଧୁଙ୍କ ଜୟନ୍ତୀ ପାଳିତ

ଭୁବନେଶ୍ୱର : ଗତକାଲି ଡିଏଭି ପୋଖରୀପୁଟରେ ଓଡ଼ିଆ ଜାତିର କର୍ଣ୍ଣଧାର, ବିଶିଷ୍ଟ ମାନବାବାଦୀ ଜନନାୟକ ଦୀନଜନଙ୍କ ବନ୍ଧୁ ଗୋପବନ୍ଧୁଙ୍କ ଜୟନ୍ତୀ ଅତ୍ୟନ୍ତ ସଦ୍ଭାବନାର ସହିତ ପାଳନ କରାଯାଇଛି । ଏହି କାର୍ଯ୍ୟକ୍ରମ ଅବସରରେ ବିଦ୍ୟାଳୟର ଅଧ୍ୟକ୍ଷା ଡ. ସୁଜାତା ମହାନ୍ ଚିନ୍ତାନାୟକ ଉତ୍କଳମଣିଙ୍କ ଆଦର୍ଶରେ ଅନୁପ୍ରାଣିତ ହୋଇ ଭଲ ମଣିଷଟିଏ ହେବାପାଇଁ ବିଦ୍ୟାର୍ଥୀମାନଙ୍କୁ ସନ୍ଦେଶ ପ୍ରଦାନ କରିଥିଲେ । ଅଷ୍ଟମ ଶ୍ରେଣୀର ଛାତ୍ର ଅନୁଭବ ପଟ୍ଟନାୟକ ଗୋପବନ୍ଧୁଙ୍କ ଉପରେ ଆଧାରିତ ଏକ ସ୍ବରଚିତ କବିତା ଆବୃତ୍ତି କରିଥିବାବେଳେ ଦଶମ ଶ୍ରେଣୀର ଛାତ୍ରୀ ଶ୍ରୀସିକ୍ତା ରଥ ଉତ୍କଳମଣିଙ୍କ ପ୍ରିୟ ରଚନା “ମିଶୁ ମୋର ଦେହ ଏ ଦେଶ ମାଟିରେ ” କବିତା ଗାନ କରିଥିଲେ। ଓଡ଼ିଆ ବିଭାଗର ବରିଷ୍ଠ ଶିକ୍ଷୟିତ୍ରୀ କ୍ଷଣପ୍ରଭା ନନ୍ଦ ଏହି ଚିନ୍ତାନାୟକଙ୍କ ଜୀବନାଦର୍ଶ ଉପରେ ଆଲୋକପାତ କରିଥିବାବେଳେ ବରିଷ୍ଠ ଶିକ୍ଷକ ନରୋତ୍ତମ ଷଡ଼ଙ୍ଗୀ କାର୍ଯ୍ୟକ୍ରମ ପରିଚାଳନା କରିଥିଲେ। ବିଦ୍ୟାର୍ଥୀମାନେ ଏହି ମହାନାୟକଙ୍କ ପାଦପଦ୍ମରେ ଶ୍ରଦ୍ଧାସୁମନ ଅର୍ପଣ କରିଥିଲେ ।