ସୁନ୍ଦରଗଡ : ଆଜି ହୋଲି,ଚାରିଆଡେ ଲାଗିଛି ଆନନ୍ଦ ଉଲ୍ଲାସ ! ଏହି ଖୁସି ଭିତରେ ଆସିଛି ବଡ ଦୁଖଦ ଖବର ! ଖର୍ଲା ନଦୀକୁ ଗାଧୋଇବାକୁ ଆସି ବୁଡ଼ି ୨ ଜଣ ଶ୍ରମିକଙ୍କ ମୃତ୍ୟୁ ଘଟିଛି। ସମ୍ବଲପୁର ଜିଲ୍ଲା କୁଚିଣ୍ଡା ଥାନା ଅଂଚଳରେ ଏହି ଘଟଣା ଘଟିଛି ! ମୃତ ଦୁଇ ଶ୍ରମିକଙ୍କ ପରିଚୟ ମିଳିପାରି ନାହିଁ। ସେମାନଙ୍କ ଘର ପଶ୍ଚିମବଙ୍ଗର ବୋଲି କୁହାଯାଉଛି ।
ଆଜି ମଧ୍ୟାନ୍ନରେ ଦୁଇ ଜଣ ଶ୍ରମିକ କାମରୁ ଆସି ପାଖରେ ଥିବା ନଦୀକୁ ଗାଧୋଇବାକୁ ଯାଇଥିଲେ। ସ୍ଥାନୀୟ ଅଂଚଳର ଲୋକ ହୋଇନଥିବାରୁ ନଦୀର ଗଭୀରତା ବିଷୟରେ ଜାଣିନଥିଲେ ! ଏଣୁ ଗାଧୋଇବା ବେଳେ ସେମାନଙ୍କ ଗୋଡ଼ ଖସି ଯାଇଥିବା ଜଣାପଡିଛି । ଫଳରେ ନଦୀରେ ବୁଡ଼ି ଯାଇଥିଲେ। ସେଠାରେ ଥିବା ଲୋକେ ଏହା ଦେଖି ଅଗ୍ନିଶମ ବାହିନୀକୁ ତୁରନ୍ତ ଖବର ଦେଇଥିଲେ। ମାତ୍ର ଅଗ୍ନିଶମ ବାହିନୀ ପହଞ୍ଚି ଖୋଜିଥିଲେବି ଉଭୟଙ୍କୁ ବଞ୍ଚାଇ ପାରିନଥିଲେ ! ୨ ଜଣ ଶ୍ରମିକଙ୍କ ମୃତଦେହକୁ ଉଦ୍ଧାର କରିଥିଲେ। ମୃତ ଦୁଇ ଶ୍ରମିକ କାମ ପାଇଁ ଆସି କୁଚିଣ୍ଡାରେ ଏକ ଭଡ଼ା ଘରେ ରହୁଥିଲେ।
ହୋଲି ଅଘଟଣ : ବୁଡ଼ି ଯାଇ ଦୁଇ ଶ୍ରମିକଙ୍କ ମୃତ୍ୟୁ
