ମୁମ୍ୱାଇ : ଗତକାଲି ମୁମ୍ୱାଇରେ ଘଟିଛି ଗୋଟେ ହୃଦୟବିଦାରକ ଘଟଣା । ରେଳ ଟ୍ରାକରେ ରେଳ କର୍ମଚାରୀମାନେ କାମ କରୁଥିବା ସମୟରେ ହଠାତ ଲୋକାଲ ଟ୍ରେନଟି କର୍ମଚାରୀଙ୍କ ଉପରକୁ ମାଡିଯାଇଥିଲା । ଯାହାଫଳରେ ୩ ଜଣ ରେଳ କର୍ମଚାରୀଙ୍କର ମୃତ୍ୟୁ ହୋଇଯାଇଥିଲା । ତୁରନ୍ତ ରେଳ ବିଭାଗକୁ ଖବର ଦିଆଯାଇଥିଲା । ଖବର ପାଇ , ରେଳ ବିଭାଗ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ମୃତକଙ୍କ ପରିଚୟ ମଧ୍ୟ ମିଳିଛି । ମୃତକଙ୍କୁ କ୍ଷତି ପୂରଣ ରାଶି ପ୍ରଦାନ କରାଯିବ ବୋଲି ସୂଚନା ମିଳିଛି । କେଉଁ କାରଣରୁ ଏତେ ବଡ଼ ଦୁର୍ଘଟଣା ହେଲା ତାର କାରଣ ଅ ପର୍ଯ୍ୟନ୍ତ ଅସ୍ପଷ୍ଟ ରହିଛି । ରେଳ ବିଭାଗ ଘଟଣାସ୍ଥଳରେ ଘଟଣାର ତଦନ୍ତ ଆରମ୍ଭ କରିଛି ।
