ଟ୍ରାକ୍ଟର ବାଇକ ଧକ୍କା: ଯୁବକ ମୃତ

କଳାହାଣ୍ଡି: ଟ୍ରାକ୍ଟର ବାଇକ ମୁହାଁମୁହିଁ ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ପାତ୍ରପୁର, ଜରଡା ଗୁଣ୍ଡୁରା ନିକଟରେ ଏକ ଇଟା ବୋଝେଇ ଟ୍ରାକ୍ଟର ସହିତ ବାଇକ ଧକ୍କା ହେବା ଫଳରେ ବାଇକ ଅରୋହୀଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ମୃତ ବାଇକ ଅରୋହୀଙ୍କ ନାଁ ରୋହିତ ପ୍ରଧାନ (୨୩) ତାଙ୍କ ଘର ସେରଗଡ଼ ବ୍ଳକ ସାତପେଣ୍ଠ ଗୋପାଳପୁର ଗ୍ରାମରେ ବୋଲି ଜଣାପଡ଼ିଛି । ଯୁବକ ଜଣକ ଏକ ଅର୍ଥ ଲଗାଣକରି ସଂସ୍ଥାରେ କାର୍ଯ୍ୟ କରୁଥିଲେ । ଆଜି ସଂସ୍ଥାର କାର୍ଯ୍ୟ ପାଇଁ ବାଇକ ଯୋଗେ ଗୁଣ୍ଡୁରା ଯାଇ ଫେରୁଥିବା ସମୟରେ ରାସ୍ତାର ଏକ ବୁଲାଣି (ମୋଡ଼)ନିକଟରେ ଅପର ପାର୍ଶ୍ୱରୁ ଆସୁଥିବା ଟ୍ରାକ୍ଟର ସହିତ ଧକ୍କା ହୋଇଥିଲା। ଜାହାଫଳରେ ସେ ରାସ୍ତା ପାର୍ଶ୍ୱକୁ ଛିଟିକି ପଡ଼ିଥିଲେ । ତୁରନ୍ତ ସ୍ଥାନୀୟ ଲୋକମାନେ ପହଞ୍ଚି ତାଙ୍କୁ ଉଦ୍ଧାରକରି ପାତ୍ରପୁର ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଡାକ୍ତର ତାଙ୍କର ମୃତ୍ୟୁ ଘୋଷଣା କରିଥିଲେ । ଜରଡା ପୁଲିସ ଏସ.ଆଇ ମେଦିନିସ୍ୱର କହଁର ଡାକ୍ତରଖାନାରେ ପହଂଚିବା ସହିତ ଶବ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛନ୍ତି। ଏନେଇ ଜରଡା ଥାନାରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି ।