ବିଶକେକ: କିର୍ଗିଜସ୍ତାନର ବିଶକେକରେ ଅନୁଷ୍ଠିତ ୨୬ତମ ସାଂଘାଇ ସହଯୋଗ ସଂଗଠନ (ଏସସିଓ) ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅନ୍ୟ ଦେଶର ନେତାଙ୍କ ସହ ଏକ ଗ୍ରୁପ ଫଟୋ ଉଠାଇଛନ୍ତି। ସେ ଆଞ୍ଚଳିକ ସଂଗଠନର ଗୁରୁତ୍ୱପୂର୍ଣ୍ଣ ବୈଠକ ଏବଂ ଆଲୋଚନାରେ ଅଂଶଗ୍ରହଣ କରିଛନ୍ତି। ପ୍ରଧାନମନ୍ତ୍ରୀ ଶିଖର ସମ୍ମିଳନୀ ସ୍ଥାନରେ ପହଞ୍ଚିଥିଲେ। ତାଙ୍କୁ ଉଷ୍ମ ସ୍ୱାଗତ କରାଯାଇଥିଲା।ପ୍ରଧାନମନ୍ତ୍ରୀ ଏସସିଓ ପ୍ଲାଟଫର୍ମରେ ମଙ୍ଗଳବାର ଅନ୍ୟ ଦେଶର ରାଷ୍ଟ୍ରମୁଖ୍ୟମାନଙ୍କ ସହିତ ଏକ ଆନୁଷ୍ଠାନିକ ବୈଠକ କରିଥିଲେ। ବୈଠକ ସମୟରେ ଏକ ଆକର୍ଷଣୀୟ ଦୃଶ୍ୟ ସାମ୍ନାକୁ ଆସିଥିଲା। ବୈଠକ ସମୟରେ ପ୍ରଧାନମନ୍ତ୍ରୀ ମୋଦୀ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟିଥିଲେ। ଦୁଇ ନେତା ଉଷ୍ମତାର ସହ ହାତ ମିଳାଇ ପରସ୍ପରର ଭଲମନ୍ଦ ପଚାରି ବୁଝିଥିଲେ।
ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ, ଯିଏକି ଗ୍ରୁପ ଫଟୋର ଅଂଶ ଥିଲେ, ସେଠାରେ ହାତ ଯୋଡି ଠିଆ ହୋଇଥିଲେ। ଅପରେସନ ସିନ୍ଦୂର ପରେ ଏହା ଦ୍ୱିତୀୟ ଥର ଥିଲା ଯେତେବେଳେ ପ୍ରଧାନମନ୍ତ୍ରୀ ମୋଦୀ ଏବଂ ଶାହବାଜ ସରିଫ ଗୋଟିଏ ମଞ୍ଚରେ ଦେଖା ଦେଇଥିଲେ, କିନ୍ତୁ ପରସ୍ପରଠାରୁ ଦୂରତା ବଜାୟ ରଖିଥିଲେ। ପୂର୍ବ ସାକ୍ଷାତ ଗତ ବର୍ଷ ଚୀନର ତିଆନଜିନରେ ଅନୁଷ୍ଠିତ ୨୫ତମ ସାଂଘାଇ ସହଯୋଗ ସଂଗଠନଶିଖର ସମ୍ମିଳନୀରେ ହୋଇଥିଲା । ଏଥର ମଧ୍ୟ ପ୍ରଧାନମନ୍ତ୍ରୀ ମୋଦୀ ଶାହବାଜ ସରିଫଙ୍କୁ ସମ୍ପୂର୍ଣ୍ଣ ଅଣଦେଖା କରିଛନ୍ତି।ପ୍ରଧାନମନ୍ତ୍ରୀ ମୋଦୀଙ୍କ ଏହି ଅଂଶଗ୍ରହଣ ଏପରି ଏକ ସମୟରେ ହେଉଛି ଯେତେବେଳେ ଭାରତ ମଧ୍ୟ ଏସିଆର ଦେଶଗୁଡ଼ିକ ସହିତ ନିରନ୍ତର ସମ୍ପର୍କକୁ ମଜବୁତ କରୁଛି ଏବଂ ଏସସିଓ ପ୍ଲାଟଫର୍ମ ମାଧ୍ୟମରେ ଆଞ୍ଚଳିକ ସହଯୋଗକୁ ଆହୁରି ବୃଦ୍ଧି କରିବା ଉପରେ ଗୁରୁତ୍ୱ ଦେଉଛି।
