ଶ୍ରୀନଗର: ବଡ଼ଗାମ୍ର ଜୋଲୱା କ୍ରାଲପୋରା ଅଞ୍ଚଳରେ ସୁରକ୍ଷା ବାହିନୀର ଏନକାଉଣ୍ଟର । ସୁରକ୍ଷା ବାହିନୀର ଏନକାଉଣ୍ଟରରେ ୩ ଆତଙ୍କବାଦୀ ନିହତ ହୋଇଛନ୍ତି । ଏନେଇ କଶ୍ମୀର ଜୋନ୍ ପୋଲିସ ଗଣମାଧ୍ୟମକୁ ସୂଚନା ଦେଇଛି । ସୂଚନା ଅନୁଯାୟୀ, ଜୋଲୱା କ୍ରାଲପୋରା ଅଞ୍ଚଳରେ ଆତଙ୍କବାଦୀ ଥିବା ନେଇ ସୁରକ୍ଷାବାହିନୀକୁ ଖବର ମିଳିଥିଲା ।
ପରେ ସୁରକ୍ଷାବାହିନୀର ଯବାନ ମାନେ ଘଟଣାସ୍ଥଳରେ ପହଞ୍ଚି ଚଢ଼ାଉ କରିଥିଲେ । ଚଢ଼ାଉ ସମୟରେ ସୁରକ୍ଷାବାହିନୀଙ୍କ ଉପରକୁ ପ୍ରଥମେ ଗୁଳି ଚଳାଇଥିଲେ ଆତଙ୍କବାଦୀ । ଫଳରେ ଯବାନମାନେ ଆତଙ୍କବାଦୀଙ୍କ ଉପରକୁ ମଧ୍ୟ ଗୁଳିଚଳାଇଥିଲେ । ଯବାନଙ୍କ ଗୁଳିରେ ୩ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ଏବେ ବି ସର୍ଚ୍ଚ ଅପରେସନ ଜାରିରଖିଛି ସୁରକ୍ଷାବାହିନୀ ।
