୭କ୍ୱିଣ୍ଟାଲ୍ ଗୋ-ମାଂସ ଜବତ, ୩ ଗିରଫ              

ଖୋର୍ଦ୍ଧା : ଆଦର୍ଶ ଥାନା ପୋଲିସର ଏକ ଟିମ୍ ହାଇଦ୍ରାବାଦ ଚାଲାଣ ପାଇଁ ଲୋଡିଂ କରାଯାଉଥିବା ୭ କ୍ୱିଣ୍ଟାଲ ଗୋ-ମାଂସ ତରତୁଆ ଗ୍ରାମରୁ ଜବତ କରିବା ସହିତ ୩ଜଣଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ  ତରତୁଆ ଗ୍ରାମର ମହମଦ ଆସିକ ଓରଫ୍ ଭାଲୁ(୨୭), ମହମଦ ଖାଁ(୫୦) ଏବଂ ବାଲିପାଟଣା ଥାନା ଅର୍ନ୍ତଗତ ସାହେବ ନଗରର ଟୁକୁ ଖାଁ(୩୬) । ଅନ୍ୟ ଦୁଇଜଣ ଅଭିଯୁକ୍ତ ଘଟଣାସ୍ଥଳରୁ ଫେରାର୍ ହୋଇଯାଇଛନ୍ତି । ସୂଚନା ଅନୁଯାୟୀ, ଆର୍ଦଶ ଥାନାର ପୋଲିସ କର୍ମଚାରୀ ଏଏସ୍‌ଆଇ ଏ.କେ ସେଠୀ, କନଷ୍ଟେବଳ ବିକେ ପ୍ରତାପସିଂହ, ପିକେ ହରିଚନ୍ଦନ, ଅବଦୁଲ ମସି ଖାଁ ପ୍ରମୁଖ ଏହି ଚଢ଼ଉରେ ସାମିଳ ହୋଇଥିଲେ । ଚଢ଼ଉ ସମୟରେ (ଏମ୍‌ଏଚ୍‌-୧୩ ସିୟୁ-୩୭୭୪ ନମ୍ବର ବିଶିଷ୍ଟ) ଗାଡ଼ିରେ ଗୋମାଂସ ଲୋଡିଂ କରାଯାଉଥିଲା । ଘଟଣାସ୍ଥଳରେ କେତେକ ବ୍ୟକ୍ତି ପୁଲିସକୁ ଦୁର୍ବ୍ୟବହାର କରିଥିଲେ । ୭ କ୍ୱିଣ୍ଟାଲ ଗୋମାଂସ ସହିତ ଗାଡ଼ିଟିକୁ ପୁଲିସ ଜବତ କରିଛି । ଏଥିରେ ତିନିଜଣ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି । ଅନ୍ୟ ଦୁଇଜଣ ଅଭିଯୁକ୍ତ ଘଟଣାସ୍ଥଳରୁ ଫେରାର୍ ହୋଇଯାଇଛି । ଅଭିଯୁକ୍ତମାନେ ସେମାନଙ୍କ ଦୋଷ ସ୍ୱୀକାର କରିବା ସହିତ ଏହି ଗୋମାଂସ ହାଇଦ୍ରାବାଦକୁ ଚାଲାଣ ହେଉଥିଲା ବୋଲି କହିଥିଲେ ।