ପଡୋଶୀଙ୍କ ବିବାଦ ସମାଧାନ କରିବାକୁ ଯାଇ ଯନ୍ତ୍ରଣା ଭୋଗିଲେ ଯୁବକ

କେରଳ : କେରଳର ଥିରୁଅନନ୍ତପୁରମ ଅଞ୍ଚଳରେ ଘଟିଛି ଅଭବନୀୟ ଘଟଣା । ବିବାଦ ସମାଧାନ କରିବାକୁ ଯାଇ ଯନ୍ତ୍ରଣା ଭୋଗିଲେ ପଡୋଶୀ। ପଡୋଶୀଙ୍କ ବିବାଦ ସମାଧାନ କରିବାକୁ ଯାଇ ଜଣେ ଯୁବକ ହୋଇଛନ୍ତି ହଟହଟା । ସୂଚନା ଅନୁଯାୟୀ,କେରଳର ଥିରୁଅନନ୍ତପୁରମ ଅଞ୍ଚଳରେ ଏକ ପରିବାରରେ ପାରିବାରିକ ବିବାଦ ହୋଇଥିଲା । ତାଙ୍କ ଘରୁ ପାଟିତୁଣ୍ଡ ଶବ୍ଦ ଶୁଣି ଆହତ ପଡୋଶୀ ଜଣଙ୍କ ତାଙ୍କ ଘରକୁ ବିବାଦ ସମାଧାନ କରିବାକୁ ଯାଇଥିଲେ । ସେହି ସମୟରେ ଉତ୍ତ୍ୟକ୍ତ ପଡ଼ୋଶୀ ଜଣକ ଯୁବକଙ୍କୁ ମାରି ଲହୁଲୁହାଣ କରିଥିବା ବେଳେ ତାଙ୍କ କାନକୁ କାମୁଡ଼ି ଛିଣ୍ଡାଇ ଦେଇଥିଲେ। ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ତୁରନ୍ତ ତାଙ୍କୁ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଅସ୍ତ୍ରୋପଚାର କରାଯାଇ ତାଙ୍କ ଛିଣ୍ଡା କାନକୁ ଯୋଡ଼ା ଯାଇଛି। ତାଙ୍କ ଅବସ୍ଥା ସ୍ଥିର ଥିବା ଜଣାଯାଇଛି। ଆକ୍ରମଣର ଶିକାର ଯୁବକଜଣକ ଅଭିଯୋଗ କ୍ରମେ ପୁଲିସ୍‌ ଅଭିଯୁକ୍ତଙ୍କୁ ବାନ୍ଧିଥିବା ବେଳେ ଆଉ ଜଣେ ଫେରାର ଅଛନ୍ତି।