ମଦ ପିଇବା ପାଇଁ ଟଙ୍କା ନ ଦେବାରୁ ତଣ୍ଟିକାଟି ଦେଲା ଯୁବକ

ଭୁବନେଶ୍ୱର: ଖଣ୍ଡଗିରି ଥାନା ଅଞ୍ଚଳରେ ମଦପିଇବାକୁ ଟଙ୍କା ଦେବା ପାଇଁ ମନା କରିବାରୁ ବ୍ଲେଡରେ ଜଣେ ଯୁବକଙ୍କ ତଣ୍ଟି କାଟି ଦିଆଯାଇଛି । ତାଙ୍କୁ ଗୁରୁତର ଅବସ୍ଥାରେ ଚିକିତ୍ସାପଇଁ ପ୍ରଥମେ କ୍ୟାପିଟାଲ ହସ୍ପିଟାଲ ଏବଂ ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏନେଇ ଥାନାରେ ଅଭିଯୋଗ ହେବାପରେ ଖଣ୍ଡଗିରି ଥାନା ପୁଲିସ ସମ୍ପୃକ୍ତ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଛି । ସେ ହେଲେ ତ୍ରିନାଥ ଦେଉରୀ ଓରଫ ସୋନୁ । ତାଙ୍କ ଘର ଜାଗମରା ଉପରସାହିରେ । ତାଙ୍କ ଠାରୁ ଅପରାଧରେ ବ୍ୟବହୃତ ଛୁରୀକୁ ଜବତ କରାଯାଇଛି । ପୁଲିସ ସୂଚନା ମୁତାବକ, ଜାଗମରା ଫିଲ୍ଡ ନିକଟରେ ଏକ ଗ୍ୟାରେ ଅଛି । ଯାହାକୁ ଅଭିଯୋଗକାରୀଙ୍କ ପୁଅ ପ୍ରଶାନ୍ତ କୁମାର ମହାପାତ୍ର ଚଳାଉଛନ୍ତି । ସେ ସେଠାରେ ରହୁଛନ୍ତି । ଗତ ୬ ତାରିଖ ରାତିରେ ପ୍ରଶାନ୍ତ ଉକ୍ତ ଗ୍ୟାରେଜରେ ଶୋଇଥିଲେ । ଏହି ସମୟରେ ସୋନୁ ତାଙ୍କ ଗ୍ୟାରେଜ ଯାଇ ତାଙ୍କୁ ଉଠାଇଥିଲେ । ସୋନୁ ମଦ ପିଇବାକୁ ପାଇଁ ପ୍ରଶାନ୍ତଙ୍କୁ ଟଙ୍କା ମାଗିଥିଲେ । ହେଲେ ପ୍ରଶାନ୍ତ ଟଙ୍କ ଦେବାକୁ ମନା କରି ଦେଇଥିଲେ । ଏଥିରେ ଉତ୍‌କ୍ଷୀପ୍ତ ହୋଇଥିଲେ ଅଭିଯୁକ୍ତ । ପରେ କିଛି କହିବା ଆଗରୁ ତାଙ୍କ ତଣ୍ଟି କାଯି ଦେଇଥିଲେ । ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ସେଠାରେ ପହଞ୍ଚିଥିଲେ । ଗୁରତ୍ର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଥିଲେ । ଏଭଳି କାଣ୍ଡ ଘଟାଇ ସେ ଫୋରାର ହୋଇଯାଇଥିଲେ । ଏନେଇ ଥାନାରେ ଅଭିଯୋଗ ହେବା ପରେ ତାଙ୍କୁ ପୁଲିସ ଏକ ମାମଲା ରୁଜୁ କରି ସୋନୁକୁ ଗିରଫ କରିଛି ।