ସଇଁନ୍ତଲା: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ବୁଢାବାହାଲ ପଞ୍ଚାୟତ ଧୁମାପାଲି ଗ୍ରାମର ଜଣେ ଯୁବକଙ୍କ ପାଣିରେ ବୁଡି ମୃତ୍ୟୁବରଣ ହୋଇଥିବା ଜଣାପଡିଛିl ପୋଲିସର ସୂଚନା ମତେ ଧୁମପାଲି ଗ୍ରାମର ଭୀମସେନ ନାଗଙ୍କ ପୁଅ ମନୋଜ ନାଗ (୨୪) ଆଜି ସକାଳୁ ପାଇକସମରା ଗ୍ରାମ ନିକଟରେ ଥିବା ଖର୍ଲିଜୋର ବ୍ରିଜକୁ ଶୌଚ ହେବାକୁ ଯାଇଥିଲେ l ଗତ କାଲି ରାତିରେ ପ୍ରବଳ ବର୍ଷା ଯୋଗୁଁ ଉକ୍ତ ବ୍ରିଜ ଉପରେ ପାଣି ଆସୁଥିବାବେଳେ କାଠ ମଧ୍ୟ ଭାସିଆସୁଥିଲା l
କାଠ ଆଣିବାକୁ ମନୋଜ ଯାଇଥିବାବେଳେ ପାଣିର ସ୍ରୋତରେ ସେ ଭାସିଯାଇଥିଲେ l ଖବର ପାଇ ପରେ ସ୍ଥାନୀୟ ଲୋକେ ଉଦ୍ଧାର କରି ସଇଁନ୍ତଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ l ଉପସ୍ଥିତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ସଇଁନ୍ତଲା ପୋଲିସ ଡାକ୍ତରଖାନାରେ ପହଁଚି ଶବକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ଟିଟିଲାଗଡ ପଠାଇଥିବା ଜଣାଯାଏ l
