ନୂଆଦିଲ୍ଲୀ: ମନୋରଞ୍ଜନର ଦୁନିଆ ପୂର୍ବ କିଛି ବର୍ଷ ହେବ ବହୁତ ଶୀଘ୍ର ବଦଳୁଥିବା ଦେଖାଯାଉଛି । କରୋନା ଭାଇରସ ଯୋଗୁଁ ଖୋଲୁଥିବା ଫିଲ୍ମ ହଲ୍ ଏବେ ପୁଣି ଥରେ ବନ୍ଦ ହେବାକୁ ଯାଉଛି । ଫଳରେ ଓଟିଟିରେ ଏଣ୍ଟରେଟନ ଡୋଜ ପୁଣି ଥରେ ମୁଖ୍ୟ ଭୂମିକା ଗ୍ରହଣ କରିବାକୁ ଯାଉଛି । ୨୦୨୧ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସ, ଆମାଜନ ପ୍ରାଇମ୍ ଭିଡ଼ିଓ, ସୋନିଲିଭ, ଜି୫ ଏବଂ ଡିଜ୍ନି ପ୍ଲସ ହଟଷ୍ଟାରରେ ବିଭିନ୍ନ ସିରିଜରେ ଧମାକ୍କା ହୋଇଥିଲା। ଆସନ୍ତୁ ୨୦୨୨ରେ ଆସୁଥିବା କିଛି ଓ୍ବେବ ସିରିଜ ଉପରେ ନଜର ପକାଇବା । ଯେଉଁ କିଛି ବଡ଼ କଳାକାରଙ୍କୁ ଦେଖିବାକୁ ମିଳିବ ।
ରୁଦ୍ରରେ ଅଜୟ ଦେବଗନ ଓ୍ବେବ ଦୁନିଆରେ ପାଦ ରଖିବାକୁ ଯାଉଛନ୍ତି । ଏଥିରେ ଇଶା ଦେଓ୍ବାଲ ବି ଆସୁଥିବାବେଳେ ଲୁଥର ସିରିଜରେ ଆଧାରିତ ହେବ। ଏହାକୁ ଡିଜ୍ନି ପ୍ଲସ ହଟଷ୍ଟାରରେ ରିଲିଜ କରାଯିବ। ସଞ୍ଜୟ ଲୀଳା ଭଂସାଲୀଙ୍କ ‘ହୀରାମଣ୍ଡି’ସିରିଜ ନେଟଫ୍ଲିକ୍ସ ଲାଗି ପ୍ରସ୍ତୁତ ହେଉଛି । ଏହି ସିରିଜରେ ଲାହୋର ସହ ହୀରାମଣ୍ଡି ବି ନଜର ଆସିବ। ଆମାଜନ ପ୍ରାଇମ ଭିଡ଼ିଓର ଓ୍ବେବ ସିରିଜ ବ୍ରିଥ ୩ରେ ଅଭିଷେକ ବଚ୍ଚନ, ଅମିତ ସାଧ୍ୟ ଏବଂ ନିତ୍ୟା ମେନନଙ୍କ ହିଟ୍ ଓ୍ବେବ ସରିଜର ସୁଟିଂ ଆରମ୍ଭ ହୋଇଗଲାଣି ।
ପଞ୍ଚାୟତ(ବ୍ରିଥ ୩)ଆମାଜନ ପ୍ରାଇମ ଭିଡ଼ିଓରେ ଜିତେନ୍ଦ୍ର କୁମାରଙ୍କ ଏହି ଓ୍ବେବ ସିରିଜର ଆଗାମୀ ଭାଗ ୨୦୨୨ରେ ଦେଖିବାକୁ ମିଳିବ। ଦିଲ୍ଲୀ କ୍ରାଇମ ସିଜନ ୨ନେଟଫ୍ଲିକ୍ସରେ ସେଫାଳୀ ଶାହଙ୍କ ଆଗାମୀ ସିଜନ ଆସିବାକୁ ଅଛି । ସେହିଭଳି କ୍ରାଇମ୍ ଦୁନିଆର ଆଉ ଏକ ଚେହେରା ଦେଖିବାକୁ ମିଳିବ ।
