ଭୁବନେଶ୍ୱର:ପୁଅ ଓ ବୋହୁ ମିଶି ବିଳମ୍ବିତ ରାତିରେ ସାବତ ମାଙ୍କୁ ଘରକୁ ପ୍ରବେଶ ବାରଣ କରି ବିଦା କରିଦେଇଛନ୍ତି । ଏ ନେଇ ନିରାଶ ମା ଜଣଙ୍କ ଥାନର ଦ୍ୱାରସ୍ଥ ହୋଇ ଅଭିଯୋଗ କରିଲେ ମଧ୍ୟ ପୁଲିସ କାର୍ଯ୍ୟାନୁଷ୍ଠାନ ନେଉଥିବା ଗଣମାଧ୍ୟମ ନିକଟରେ ଅଭିଯୋଗ ଆଣିଛନ୍ତି । ଏପରି ଏକ ଘଟଣା ମଞ୍ଚେଶ୍ୱର ଥାନା ଅଞ୍ଚଳରେ ବେଶ ଚର୍ଚ୍ଚାର ବିଷୟ ପାଲଟିଛି । ସୂଚନା ମୁତାବକ ମଞ୍ଚେଶ୍ୱର ଥାନା ଅନ୍ତର୍ଗତ ଗାଡକଣ ଅଞ୍ଚଳରେ ବାସନ୍ତି ଆଚାର୍ଯ୍ୟ ରହୁନ୍ତି । ତାଙ୍କ ସ୍ୱାମୀଙ୍କର ପ୍ରଥମ ସ୍ତ୍ରୀଙ୍କର ମୃତ୍ୟୁ ପରେ ସେ ଦ୍ୱିତିୀୟ ବିବାହା କରିଥିଲେ। ପ୍ରଥମ ସ୍ତ୍ରୀଙ୍କ ୩ ଜଣ ପିଲାଙ୍କୁ ଲାଳନ ପାଳନ କରି ମଣିଷ କରିବାର ଦାୟୀତ୍ୱ ନେଇଥିଲେ । ହେଲେ ଏକ ସେମିନାରରେ ଯୋଗଦୋବୁ ପଞ୍ଜାବ ଯାଇଥିବା ବେଳେ ତାଙ୍କ ଉପସ୍ଥିତିରେ ଘର କବାଟ ତାଲା ଭାଙ୍ଗି ବୋହୁ ପୁଅ ଘରକୁ ଯାଇଥିଲେ ।
ପଡୋଶୀ ଲୋକଙ୍କ ଠାରୁ ଖବର ପାଇ ବାସନ୍ତି ଦିଲ୍ଲୀରୁୁଫେରିଆସିଥିଲେ । ଶୁକ୍ରବାର ବିଳମ୍ବିତ ରାତିରେ ଘରକୁ ଫେରିବା ବେଳକୁ ପୁଅ ବୋହୁ ଖର କବାଟ ଖୋଲିନଥିଲେ । ଶେଷରେ ବାସନ୍ତି ନିରାଶ ହୋଇ ମଞ୍ଚେଶ୍ୱର ଥାନାରେ ଅଭିଯୋଗ କରିବା ପରେ ମଧ୍ୟ ପୁଲିସ ପୁଅ ବୋହୁଙ୍କ ଉପରେ କାର୍ଯ୍ୟାନୁଷ୍ଠାନ ନେଉନଥିବା ବେଳେ ବାସନ୍ତି ଘରକୁ ଫେରିପାରୁନଥିବା ଗଣମାଧ୍ୟମ ନିକଟରେ ଅଭିଯୋଗ ଆଣିଥିଲେ । ଏ ନେଇ ଥନା ଅଧିକାରୀ ସୁଧୁରୀ କୁମାର ସାହୁଙ୍କୁ ପଚାରିବାରୁ ସେ କହିଛନ୍ତି ଯେ ଉକ୍ତ ସମ୍ପତ୍ତି ଉପରେ ତାଙ୍କ ତାଙ୍କ ପୁଅ ଓ ସ୍ୱାମୀଙ୍କର ମଧ୍ୟ ଅଧିକାର ରହିଛି । ପୁଲିସ ଆବଶ୍ରକୀୟ ତଦନ୍ତ କରିସାରିଛି । ସେମାନଙ୍କ ସମ୍ପତ୍ତିକୁ ନେଇ ଉପୁଜିଥିବା ବିବାଦ କୋର୍ଟ ମାଧ୍ୟମରେ ସମାଧାନ ହୋଇପାରିବେ ।
