ଡଙ୍ଗାକୁ ଧକ୍କା ଦେଲା ସାମୁଦ୍ରିକ ଜାହାଜ ; ୨ ମୃତ

କେରଳ : ଗତକାଲି କେରଳ ଉପକୂଳରୁ ମତ୍ସ୍ୟଜୀବୀ ଡଙ୍ଗାକୁ ଧକ୍କା ଦେଲା ସାମୁଦ୍ରିକ ଜାହାଜ। ଯାହାଫଳରେ ୨ ଜଣଙ୍କର ମୃତ୍ୟୁ ହୋଇଛି । ସ୍ଥାନୀୟ ପୋଲିସ ଏ ସମ୍ପର୍କରେ ସୂଚନା ଦେଇ କହିଛି ଯେ ରାଜ୍ୟରୁ ମତ୍ସ୍ୟଜୀବୀମାନେ ମାଛ ଧରିବାକୁ ଯାଇଥିବା ବେଳେ ତ୍ରିସୁର ଜିଲ୍ଲାର ମୁନ୍ନକାକାଦଭୁ ଉପକୂଳ ପୋଲିସ ଷ୍ଟେସନ ସୀମାଠାରୁ ପ୍ରାୟ ୧୬ ସମୁଦ୍ର ଦୂରତାରେ ଏହି ଦୁର୍ଘଟଣା ଘଟିଛି। ସାମୁଦ୍ରିକ ଜାହାଜ ଧକ୍କା ଦେବାରୁ ମତ୍ସ୍ୟଜୀବୀ ଡଙ୍ଗା ଦୁଇ ଭାଗରେ ବିଭକ୍ତ ହୋଇଛି। ଦୁର୍ଘଟଣା ସମୟରେ ଡଙ୍ଗାରେ ୬ ଜଣ ଥିବାବେଳେ ଚାରିଜଣଙ୍କୁ ଉଦ୍ଧାର କରାଯାଇଥିଲା। ସର୍ଚ୍ଚ ଅପରେସନ ପରେ ନିଖୋଜ ଦୁଇ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର କରାଯାଇଛି। ଏଥିସହ ଚାରି ଜଣ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।