ଉଡ଼ାଣ ପୂର୍ବରୁ ପକ୍ଷୀକୁ ଧକ୍କା ଦେଲା ବିମାନ

ପାଣାଜୀ : ଉଡ଼ାଣ ପୂର୍ବରୁ ପକ୍ଷୀକୁ ଧକ୍କା ଦେଲା ବିମାନ। ଗୋଆର ଡାବୋଲିମ ବିମାନବନ୍ଦରରୁ ମୁମ୍ବାଇ ଅଭିମୁଖେ ଉଡ଼ିବାକୁ ଥିବା ଏୟାର ଇଣ୍ଡିଆର ଏକ ବିମାନ ପକ୍ଷୀ ଆକ୍ରମଣର ଶିକାର ହୋଇଛି। ବୁଧବାର ସକାଳେ ଏକ ପକ୍ଷୀ ବିମାନ ସହ ଧକ୍କା ହୋଇଥିଲା। ପକ୍ଷୀ ଧକ୍କା ଯୋଗୁଁ ବିମାନକୁ ବାତିଲ କରିବାକୁ ପଡ଼ିଥିଲା। ସକାଳ ପ୍ରାୟ ୬ଟା ୪୫ ରେ ଏହି ଘଟଣା ଘଟିଥିବା ଅଧିକାରୀ ଜଣକ କହିଛନ୍ତି। ବିମାନଟି ରନୱେରେ ଥିବା ବେଳେ ଏକ ବିହଙ୍ଗ ଧକ୍କା ଦେଇଥିଲା ବୋଲି ଅଧିକାରୀ ଜଣକ କହିଛନ୍ତି। ଧକ୍କା ହେବା ପାଇଁ ବିମାନକୁ ଅଟକାଇ ଦିଆଯାଇଥିଲା। ଘଟଣାର ତଦନ୍ତ ଚାଲିଛି ବୋଲି ଅଧିକାରୀ ଜଣକ କହିଛନ୍ତି। ବିମାନଟି ଦକ୍ଷିଣ ଗୋଆର ଡାବୋଲିମ୍ ବିମାନବନ୍ଦରରୁ ମୁମ୍ବାଇ ଅଭିମୁଖେ ଉଡ଼ାଣ ଭରିବାର ଥିଲା। କିନ୍ତୁ ପକ୍ଷୀ ଧକ୍କା ଯୋଗୁଁ ରନ୍ୱେରେ ଅଟକି ରହିବାକୁ ପଡ଼ିଥିଲା। ତୁରନ୍ତ ବିମାନକୁ ବାତିଲ କରି ଅଧିକ ଯାଞ୍ଚ ପାଇଁ ବିମାନକୁ ପରିସରରେ ପାର୍କିଂ କରାଯାଇଥିଲା। ସୂଚନାଯୋଗ୍ୟ, ଯେତେବେଳେ କୌଣସି ପକ୍ଷୀ ବିମାନ ସହ ଧକ୍କା ହୁଏ, ତାକୁ ବାର୍ଡ ଷ୍ଟ୍ରାଇକ୍ କୁହାଯାଏ। ପକ୍ଷୀ ଆକ୍ରମଣ ମଧ୍ୟ ବହୁତ ବିପଜ୍ଜନକ ସାବ୍ୟସ୍ତ ହୋଇପାରେ। ବାସ୍ତବରେ ପକ୍ଷୀ ଧକ୍କା ଦେବା ପରେ ପାଇଲଟ ନିୟନ୍ତ୍ରଣ ହରାଇପାରନ୍ତି। ଏଥିସହିତ ଯଦି ପକ୍ଷୀ ଇଞ୍ଜିନରେ ଫସିଯାଏ ତେବେ ଇଞ୍ଜିନ ଖରାପ ହେବାର ଆଶଙ୍କା ମଧ୍ୟ ବଢିଯାଇଥାଏ। ବିମାନର ଇଞ୍ଜିନରେ ପକ୍ଷୀ ଫସିବା ଦ୍ୱାରା ମଧ୍ୟ ବିମାନରେ ନିଆଁ ଲାଗିପାରେ।