ଗଞ୍ଜାମ : ଖମାରୀ ଗାଁରେ ଘଟିଥିବା ମହିଳାଙ୍କ ହତ୍ୟା ଘଟଣାର ରହସ୍ୟ ଆଜି ଉନ୍ମୋଚିତ ହୋଇଛି । ଏହି ହତ୍ୟା ଘଟଣାରେ ସମ୍ପୃକ୍ତ ଅଭିଯୁକ୍ତ ନିକଟସ୍ଥ ରାମଗୁଡା ଜଙ୍ଗଲରୁ ଧରାପଡିଛି । ଅଭିଯୁକ୍ତ ଜଣକ ଏହି ବ୍ଲକ୍ ତଥା କେ.ନୂଆଗାଁ ଥାନା ଅନ୍ତର୍ଗତ ପାତ୍ରପଡା ଗ୍ରାମର ଜିତେନ୍ଦ୍ର ଦଳେଇ ଓରଫ୍ ଏମ୍ଏଲ୍ଏ(୨୨) ବୋଲି ଜଣାପଡିଛି । ଅଭିଯୁକ୍ତଙ୍କ ବିରୋଧରେ ୨୧୫/୨୧ରେ ଥାନାରେ ମାମଲା ରୁଜୁ ହୋଇଛି। ଦିଗପହଣ୍ଡି କୋର୍ଟରେ ଜାମିନ ନାମଞ୍ଜୁର ହେବାରୁ ଅଭିଯୁକ୍ତକୁ ଦିଗପହଣ୍ଡି ଉପକାରାଗାରକୁ ପଠେଇ ଦିଆଯାଇଛି ବୋଲି ଥାନା ଅଧିକାରୀ ମୃତ୍ୟୁଞ୍ଜୟ ସ୍ୱାଇଁ କହିଛନ୍ତି । ମହିଳାଙ୍କୁ ଦୁଷ୍କର୍ମ ପରେ ହତ୍ୟା କରିଥିବା ଅଭିଯୁକ୍ତ ପୋଲିସ୍ ଆଗରେ ସ୍ୱୀକାର କରିଛି ।
ଚଳିତମାସ ୨୧ ତାରିଖ ବିଳମ୍ବିତ ରାତ୍ରିର ଘଟଣା । ଗଜପତି ଜିଲ୍ଲା ଆର୍.ଉଦୟଗିରି ବ୍ଲକ୍ କୁର୍ବା ଗ୍ରାମର ଦୁଃଖୀ ଦଳାଇ (୭୦) ଶ୍ରମକାର୍ଡ କରିବା ପାଇଁ ଖମାରୀ ଗାଁକୁ ଆସିଥିଲେ । ଫେରିବା ବେଳକୁ ସନ୍ଧ୍ୟା ହୋଇଯାଇଥିବାରୁ ସେ ଖମାରୀ ଗାଁ ହରିଜନ ସାହିରେ ଥିବା ଏକ କ୍ୟାବିନ୍ ପାଶ୍ୱର୍ରେ ଶୋଇ ପଡ଼ିଥିଲେ । କୁମାର ପୂର୍ଣ୍ଣିମାର ପରଦିନ ଚାରିଆଡେ ଜୁଆ ଖେଳର ଆସର ଜମିଥିଲା । ଅଭିଯୁକ୍ତ ଜିତେନ୍ଦ୍ର ଜୁଆ ଖେଳରେ ହତାସ ହୋଇ ଫେରୁଥିବା ବେଳେ ଶୋଇଥିବା ଅବସ୍ଥାରେ ଦୁଃଖୀଙ୍କ ଉପରେ ନଜର ପଡ଼ିଥିଲା ।
ଅଭିଯୁକ୍ତ ଜିତେନ୍ଦ୍ର କାମାତୁର ହୋଇ ଦୁଃଖୀଙ୍କୁ ଜୋର୍ ଜବରଦସ୍ତ ଏକ ଲଟାବୁଦା ସ୍ଥାନକୁ ନେଇଯାଇଥିଲା । ସେଠାରେ ବଳପୂବର୍କ ଦୁଷ୍କର୍ମ କରିଥିଲା । ଦୁଃଖୀ ଚିତ୍କାର କରିବାରୁ ଜିତେନ୍ଦ୍ର ତାର ତଣ୍ଟି ଚିପି ହତ୍ୟା କରିଥିଲା । ଖମାରୀ ଗାଁ ନିକଟସ୍ଥ ଏକ ବିଲରେ ଫୋପାଡି ଦେଇ ଘଟଣା ପରଠାରୁ ନିକଟସ୍ଥ ରାମଗୁଡା ଜଙ୍ଗଲରେ ଅଭିଯୁକ୍ତ ଲୁଚି ରହିଥିଲା । ଖବର ପାଇ ପୋଲିସ୍ ଘଟଣାସ୍ଥଳରେ ପହଞ୍ôଚ ଅଭିଯୁକ୍ତକୁ ଗିରଫ କରିଥିବା ସୂଚନା ଦେଇଛି ।
