ନୂଆଦିଲ୍ଲୀ: ଝିଅକୁ ଛାଡିଲାନି ମାର ଲିଭ–ଇନ୍-ପାର୍ଟନର । ଯୌନ ଲାଳସାର ଶିକାର ହେଲା ନାବାଳିକା ଝିଅ । ଥରେ ନୁହେଁ, ନାବାଳିକା ଜଣକ ଏପରି ବହୁଥର ଯୌନ ରାକ୍ଷସ ଅତ୍ୟାଚାରର ଶିକାର ହେବା ପରେ ଥାନାର ଦ୍ୱାରସ୍ଥ ହୋଇଛନ୍ତି । ରାଜଧାନୀ ଦିଲ୍ଲୀରୁ ନଜର ଆସିଛି ଏମିତି ଅଭାବନୀୟ ଘଟଣା ।
ଘଟଣାରେ ଜଣେ ଅଭିଯୁକ୍ତକୁ ପୋଲିସ ଗିରଫ କରିଛି । ପୋଲିସ ମାମଲା ରୁଜୁ କରି କହିଛି ଯେ ମହିଳା ଜଣକ ଆଠ ବର୍ଷ ପୂର୍ବେ ତାଙ୍କ ସ୍ୱାମୀଙ୍କୁ ଛାଡିଥିଲେ । ବିବାହ ପରେ ମହିଳାଙ୍କର ତିନୋଟି ସନ୍ତାନ ଥିଲେ । ସ୍ୱାମୀଙ୍କଠାରୁ ଅଲଗା ହେବା ପରେ ମହିଳା ଜଣକ ଗାଜିଆବାଦ ନିବାସୀ ୨୯ ବର୍ଷିୟ ଅଙ୍କିତ ଯାଦବଙ୍କ ସହ ଲିଭ–ଇନ୍ରେ ରହୁଥିଲେ । ଅଙ୍କିତ ଯାଦବ ଜଣେ ପେଶାରେ ଜଣେ ବସ୍ ଡ୍ରାଇଭର। ଗତ ୮ ବର୍ଅଷ ଧରି ଏମାନେ ଲିଭ୍ ଇନ୍ ରେ ରହୁଥିଲେ । ଏମାନଙ୍କର ଗୋଟିଏ ପୁତ୍ର ସନ୍ତାନ ବି ଅଛି ।
ସୂଚନା ଥାଉକି, କିଛି ଦିନ ପୂର୍ବେ ଘରେ କେହି ନ ଥିବା ସୁଯୋଗରେ ଅଭିଯୁକ୍ତ ଜଣକ ମହିଳାଙ୍କ ୧୪ ବର୍ଷୀୟା ନାବାଳିକା ଝିଅଙ୍କୁ ଜୋରଜବରଦସ୍ତ ଦୁଷ୍କର୍ମ କରିଥିଲେ । ଏପରିକି ଏହି ଘଟଣା ବାହାରେ ପ୍ରଘଟ କଲେ ଅବସ୍ଥା ଅସମ୍ଭାଳ ହେବ ବୋଲି ଧମକ ଦେଇଥିଲେ। ଏହାପରେ ସେ ବହୁ ଥର ନାବାଳିକାଙ୍କୁ ଦୁଷ୍କର୍ମ କରିଛି । ଏଥିରେ ଅତିଷ୍ଠ ହୋଇ ନାବାଳିକା ଜଣକ ଏନେଇ ନିଜ ମା’ଙ୍କୁ ଅବଗତ କରିବା ପରେ ଥାନାରେ ଅଭିଯୋଗ କରିଥିଲେ। ପୋଲିସ୍ ନାବାଳିକାଙ୍କ ଡାକ୍ତରୀ ମାଇନା କରିବା ସହ ଅଭିଯୁକ୍ତଙ୍କୁ ଗିରଫ କରିଛି । ଏନେଇ ପସ୍କୋ ଆକ୍ଟରେ ମାମଲା ରୁଜୁ ହୋଇଛି।