ଯାଜପୁର : ଜୀବନ ହାରିଲେ ପଲିଟେକନିକ୍ ଛାତ୍ରୀ । ହଷ୍ଟେଲ ରୁମ୍ରେ ଝୁଲି ପଡ଼ିଲେ । ଯାଜପୁର ସରକାରୀ ପଲିଟେକନିକ୍ର ବିରଜା ହଷ୍ଟେଲରେ ଛାତ୍ରୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ହଷ୍ଟେଲ ରୁମରୁ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି ମୃତଦେହ । ତାଙ୍କ ନାଁ ରୋଜାଲିନ୍ ପାତ୍ର ଓ ଘର ଜେନାପୁର ଥାନା ଷେଣ୍ଢପୁର ଗାଁରେ । ତୃତୀୟ ବର୍ଷ ଇଲେକ୍ଟ୍ରିକାଲ ଛାତ୍ରୀ ରୋଜାଲିନ୍ । ଜଣେ ମେଧାବୀ ଛାତ୍ରୀ ଥିଲେ।
ମୃତ ଛାତ୍ରୀ ରୋଜାଲିନଙ୍କ ଘର ଯାଜପୁର ଜିଲା ଜେନାପୁର ଥାନା ଅନ୍ତର୍ଗତ ଷେଣ୍ଢପୁର ଗାଁର ବୋଲି ଜଣାପଡ଼ିଛି। କାହିଁକି ରୋଜାଲିନ ଏଭଳି ଚରମ ନିଷ୍ପତ୍ତି ନେଲେ ସେ ନେଇ କୌଣସି ସୂଚନା ମିଳିପାରିନି। ଝିଅକୁ ସାଙ୍ଗସାଥୀମାନେ ସବୁବେଳେ ରାଗିଂ କରୁଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି। ସେମାନଙ୍କ କହିବା ଅନୁଯାୟୀ, ରୋଜାଲିନ ଟପ୍ପର ହେଉଥିବା ଏବଂ କ୍ୟାମ୍ପସ ପାଇଥିବା ହେତୁ ସାଙ୍ଗସାଥୀମାନେ ସହି ପାରୁ ନଥିଲେ। ସେମାନେ ତାଙ୍କୁ ହଇରାଣକରୁଥିଲେ। ଘଟଣାସ୍ଥଳରେ କୋରେଇ ଥାନା ଅଧିକାରୀ ପହଞ୍ଚି ଅଧିକ ତଦନ୍ତ କରୁଛନ୍ତି।
