ରାସ୍ତା ଅବରୋଧ କରି ଶୋଇ ପଡ଼ିଥିବା ଯୁବକଙ୍କ ଉପରେ ସ୍କୁଟି ଚଢ଼ାଇ ଚାଲିଗଲେ ଚାଳକ

ନୂଆଦିଲ୍ଲୀ: ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ଦୁଇଜଣ ଯୁବକଙ୍କୁ ଦେଖିବାକୁ ମିଳୁଛି । ଏହି ଦୁଇ ଯୁବକ କୌଣସି କାରଣରୁ ପୋଷାକ ଖୋଲି ରାସ୍ତା ବିରୋଧ କରିଥିଲେ । ରାସ୍ତା ଅବରୋଧ କରିବା ସମୟରେ ଦୁଇ ଯୁବକ ରାସ୍ତାର ଦୁଇପାର୍ଶ୍ୱରେ ଶୋଇ ପଡ଼ିଥିଲେ । ଯାହାଫଳରେ ରାସ୍ତା ଜାମ ହୋଇଯାଇଥିଲା । ରାସ୍ତା ଜାମ ହୋଇଯାଇଥିବାରୁ ସେହି ରାସ୍ତା ଦେଇ ଯାତାୟାତ କରୁଥିବା ଲୋକଙ୍କୁ ଅସୁବିଧାର ସାମ୍ନା କରିବାକୁ ପଡ଼ିଥିଲା । ଏହି ସମୟରେ ଦୁଇଜଣ ସ୍କୁଟି ଚାଳକ ସେହି ରାସ୍ତା ଦେଇ ଯାଉଥିଲେ । ଜଣେ ଘଟଣାସ୍ଥଳରେ ଅଟକି ଯାଇଥିବା ବେଳେ ଅନ୍ୟ ଜଣେ କିଛି ନବୁଝି ନସୁଝି ରାସ୍ତା ଅବରୋଧ କରି ଶୋଇଥିବା ଦୁଇଜଣ ଯୁବକଙ୍କ ମଧ୍ୟରୁ ଜଣଙ୍କ ଉପରେ ଗାଡ଼ି ଚଢ଼ାଇ ଚାଲି ଯାଇଥିଲେ । ସୌଭାଗ୍ୟବଶତଃ ସ୍କୁଟି ଶରୀର ଉପର ଦେଇ ଚଢ଼ି ଯାଇଥିଲେ ବି ଯୁବକଙ୍କ ଜୀବନ ବଞ୍ଚି ଯାଇଥିଲା । କିନ୍ତୁ ସେ ଗୁରୁତର ଆହତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏବେ ସେ ସୁସ୍ଥ ଥିବା ଜଣାପଡ଼ିଛି । ଏହି ଘଟଣାର ଭିଡିଓ ସୋସିଆଲ ମିଡିଆରେ ପୋଷ୍ଟ ହେବା ପରେ ବେଶ୍ ଭାଇରାଲ ହେବାରେ ଲାଗିଛି ।