ଭୁବନେଶ୍ୱର : ନନ୍ଦନକାନନ ପ୍ରାଣୀଉଦ୍ୟାନ ୭୧ନମ୍ବର(କ) ଖୁଆଡ଼ରେ ରହୁଥିବା ଏକ ଅଣ୍ଡିରା ଓଟ ପକ୍ଷୀର ମୃତ୍ୟୁ ଘଟିଛି । ଖୁଆଡ଼ରେ ଏକ ହଳ(ମାଇ,ଅଣ୍ଡିରା) କଳାରଙ୍ଗର ଓଟପକ୍ଷୀ ରହୁଥିବା ବେଳେ ସେହିପରି ୭୧ନମ୍ବର(ଖ)ଖୁଆଡ଼ରେ ଧୂସର ରଙ୍ଗର ଏକହଳ(ମାଇ,ଅଣ୍ଡିରା)ଓଟ ପକ୍ଷୀ ରହୁଥିଲେ । ଗତ ଏପ୍ରିଲ ୧୪ ତରିଖରେ ‘କ’ ଖୁଆଡ଼ରେ ଥିବା ଏକ ମାଈ ଓଟପକ୍ଷୀର ବାମପଟ ଆଖିରେ କୌଣସି କାରଣରୁ ସଂକ୍ରମଣ ହୋଇଥିବାରୁ ସେ ମୃତ୍ୟୁ ବରଣ କରିଥିଲା ।
ଫଳରେ ଅଣ୍ଡିରା ଓଟପକ୍ଷୀଟି ଏକା ହୋଇଯାଇଥିଲା। କୌଣସି ରୋଗ ନଥାଇ ଆଜି ସକାଳେ ଓଟପକ୍ଷୀଟି ମରିପଡ଼ିଥିବା ଜନ୍ତୁରକ୍ଷକ ଦେଖିବାକୁ ପାଇଥିଲେ । କେଉଁ କାରଣରୁ ତାର ମୃତ ଘଟିଛି ତାହା ଜଣାପଡ଼ିନାହିଁ । ବ୍ୟବଛେଦ ରିପୋର୍ଟ ଆସିଲା ପରେ ଜଣାପଡ଼ିବ ବୋଲି ନନ୍ଦନକାନନ କର୍ତ୍ତୃପକ୍ଷ ପକ୍ଷରୁ ସୂଚନା ମିଳିଛି ।
