ଯୁବକଙ୍କ ଶବ ଉଦ୍ଧାର, ହତ୍ୟା ଅଭିଯୋଗ

ସାନଖେମୁଣ୍ଡି : ପାଟପୁର ଥାନା ଠାରୁ ୫୦୦ ମିଟର ଦୂରରେ ଥିବା ଏକ ଦେଶୀ ମଦ ଦୋକାନ ସମ୍ମୁଖରୁ ଜଣେ ଯୁବକର କ୍ଷତାକ୍ତ ଶବ ଉଦ୍ଧାର ହୋଇଛି । ପାଟପୁର ଗାନ୍ଧିଛଜ ଠାରୁ ବସଷ୍ଟାଣ୍ଡ ମୁଖ୍ୟ ରାସ୍ତା କେନାଲ ସେତୁ ନିକଟରେ ଥିବା ଦେଶୀ ମଦ ଦୋକାନ ସମ୍ମୁଖରୁ କ୍ଷତ ବିକ୍ଷତ ମୃତ ଦେହ ଉଦ୍ଧାର ହେଇଛି । ଉଦ୍ଧାର ହୋଇଥିବା ମୃତ ଦେହ ପାଟପୁର ଥାନା ପାଖ ପଞ୍ଚାୟତର ସୂର୍ଯ୍ୟ ସାହୁ(୨୬) ବୋଲି ଚିହ୍ନଟ ହୋଇଛି । ଶବ ଉଦ୍ଧାର ପରେ ଏହା ଏକ ହତ୍ୟାକାଣ୍ଡ ବୋଲି ମୃତକଙ୍କ ପରିବାର ପକ୍ଷରୁ ଅଭିଯୋଗ ହୋଇଛି । ଆସିକା ଏସଡିପିଓ ଉମା ଶଙ୍କର ସିଂ, ପାଟପୁର ଥାନା ଆଇଆଇସି ସବ୍ୟସାଚୀ ମଲ୍ଲ ଓ ସାଇଣ୍ଟିଫିକ୍ ଟିମ୍ ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛନ୍ତି । ପାଟପୁର ଥାନା ପକ୍ଷରୁ ତଦନ୍ତ ସହ କିଛି ଜଣକୁ ଅଟକ ରଖି ତଦନ୍ତ ପରେ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି ।