ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର

ସାଲେପୁର: ସାଲେପୁର ଥାନା ଅନ୍ତର୍ଗତ କୁଳିଆ ନିୟନ୍ତ୍ରିତ ବଜାର କମିଟି ପରିସରରେ ଆଜି ସାଲେପୁର ପୁଲିସ ଏକ ଅଚିହ୍ନା ଯୁବକର ମୃତ ଦେହକୁ ଉଦ୍ଧାର କରିଥିବା ଜଣାଯାଇଛି । ଯୁବକ ଜଣକର ରଂଗ ଶ୍ୟାମଳ ଥିବାବେଳେ ଉଚ୍ଚତା ପ୍ରାୟ ୫ଫୁଟ ୬ଇଞ୍ଚ ଏବଂ ବୟସ ଆନୁମାନିକ ୪୫ବର୍ଷ ହୋଇଥିବାବେଳେ ଯୁବକର ମୃତଦେହ ଉଲଗ୍ନ ଅବସ୍ଥାରେ ଥିବାବେଳେ ନିକଟରେ ଏକ ଲାଲ୍ ରଂଗର ଗାମୁଛା ପଡିଥିଲା । ଯୁବକର ମୃତ ଦେହକୁ ଏଠାରେ କିଏ କେଉଁ ପରିସ୍ଥିତିରେ ପକାଇଲା, ତାହା ସାଧାରଣରେ ସନ୍ଦେହ ସୃଷ୍ଟି ହୋଇଛି । ଆଜି ସକାଳୁ ସ୍ଥାନୀୟ ଲୋକେ ମାର୍କେଟ୍ ପରିସରକୁ ଆସି ଏହି ମୃତ ଦେହକୁ ଦେଖି ସାଲେପୁର ପୁଲିସକୁ ଖବର ଦେଇଥିଲେ । ସାଲେପୁର ପୁଲିସ ଘଟଣାସ୍ଥଳରେ ପହଞ୍ôଚ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ କଟକ ପଠାଇଛି । ଏହି ଯୁବକର ମୃତ୍ୟୁକୁ ନେଇ ଏବେ ସ୍ଥାନୀୟ ଅଞ୍ଚଳରେ ବିଭିନ୍ନ କଥା ଶୁଣିବାକୁ ମିଳୁଛି । କେହି ଯୁବକ ଜଣକୁ ଏଠାରେ ହତ୍ୟାକରି ଫିଙ୍ଗିଦେଇଥିବା ସ୍ଥାନୀୟ ଲୋକେ ଆଲୋଚନା କରୁଛନ୍ତି । ପୁଲିସ ଏହି ଘଟଣାର ବିଧିବଦ୍ଧ ତଦନ୍ତ କଲେ ଯୁବକର ପରିଚୟ ମିଳିବା ସହ ମୃତ୍ୟୁର କାରଣ ଜଣାପଡିବ ବୋଲି ସାଧାରଣରେ ଚର୍ଚ୍ଚା ହେଉଛି ।