ନନ୍ଦନକାନନରେ ଭାଲୁ ‘ମୋତି’ ମୃତ

ଭୁବନେଶ୍ୱର : ନନ୍ଦନକାନନ ପ୍ରାଣୀ ଉଦ୍ୟାନର ୧୬(ଖ)ନମ୍ବର ଖୁଆଡ଼ରେ ରହୁଥିବା ଏକ ବିରଳ କଳା ହିମାଳୟ ଭାଲୁ ମୋତିର ଶନିବାର ସକାଳେ ମୃତ୍ୟୁ ଘଟିଛି । ଏ ନେଇ ନନ୍ଦନକାନନ ଉପନିର୍ଦ୍ଦେଶକ ସଞ୍ଜିତ କୁମାର ସୂଚନା ଦେଇଛନ୍ତି । ରାଞ୍ଜି ପ୍ରାଣୀ ଉଦ୍ୟାନରୁ ୨୦୧୩ ସେପ୍ଟେମ୍ବର ୧୩ତରିଖରେ ଆସିଥିବା ଏହି ଭାଲୁ ୮ବର୍ଷ ହେଲା ନନ୍ଦନକାନନ ପ୍ରାଣୀ ଉଦ୍ୟାନରେ ପର୍ଯ୍ୟଟକଙ୍କ ମନୋରଞ୍ଜନ କରୁଥିଲା । ଗତ ସେପ୍ଟେମ୍ବର ୫ରୁ ପକ୍ଷାଘାତ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲା । ଚିକିତ୍ସା ସତ୍ତ୍ୱେ କୌଣସି ଉନ୍ନତି ଘଟିନଥିଲା । ମୃତ୍ୟୁବେଳକୁ ତାକୁ ୨୦ବର୍ଷ ହୋଇଥିଲା ।