ନୂଆଦିଲ୍ଲୀ: ଏୟାର ମାର୍ଶାଲ ଆଶୁତୋଷ ଦୀକ୍ଷିତ ସୋମବାର ଭାରତୀୟ ବାୟୁସେନାର ଉପମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଛନ୍ତି । ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏ ସମ୍ପର୍କରେ ସୂଚନା ଦିଆଯାଇଛି । ଜାତୀୟ ପ୍ରତିରକ୍ଷା ଏକାଡେମୀ (ଏନ୍ଡିଏ)ରୁ କୃତିତ୍ୱର ସହ ଉତ୍ତୀର୍ଣ୍ଣ ହେବାପରେ ଦୀକ୍ଷିତ ୧୯୮୬ ଡିସେମ୍ବର ୬ରେ ବାୟୁସେନାରେ ଜଣେ ଲଢୁଆ ପାଇଲଟ୍ଭାବେ ଯୋଗଦେଇଥିଲେ ।
୩୭ ବର୍ଷର କ୍ୟାରିୟରରେ ସେ ବିଭିନ୍ନ ପ୍ରକାର ଲଢୁଆ ବିମାନ ଉଡାଇଥିବାବେଳେ ଜଣେ ଟେଷ୍ଟ ପାଇଲଟ୍ ଏବଂ ଇନ୍ଷ୍ଟ୍ରକ୍ଟରଭାବେ ମଧ୍ୟ କାର୍ଯ୍ୟ କରିସାରିଛନ୍ତି । ଉପମୁଖ୍ୟ ନିଯୁକ୍ତ ହେବାପୂର୍ବରୁ ସେ ସାଉଥ୍ ୱେଷ୍ଟର୍ଣ୍ଣ ଏୟାର କମାଣ୍ଡ ମୁଖ୍ୟଭାବେ କାର୍ଯ୍ୟରତ ଥିଲେ ।
