‘ଆଶିକି-୩’ରେ କାର୍ତ୍ତିକଙ୍କ ସହ ନଜର ଆସିବେ ଏହି ଅଭିନେତ୍ରୀ ….

ମୁମ୍ବାଇ : ଲାଗୁଛି ଯେମିତି ବଲିଉଡ ରେ ସିକ୍ୱେଲର ସମୟ ଚାଲିଛି ।  ‘ଗଦର’ ପରେ ‘ଗଦର-୨’, ‘ଓଏମଜି’ ପରେ  ‘ଓଏମଜି-୨’ ଆଉ ଏବେ ଆସିବାକୁ ଯାଉଛି ‘ଆଶିକି-୩’ । ଫିଲ୍ମ ‘ଆଶିକି-୩’ ଘୋଷଣା ହେବା ପରେ ନିର୍ମାତାମାନେ ନାୟକ ଏବଂ ନାୟିକାର ଖୋଜ ରେ ଲାଗି ପଡିଛନ୍ତି । ତେବେ ଏହି ଫିଲ୍ମର ମୁଖ୍ୟ ଭୂମିକାରେ କାର୍ତ୍ତିକ ଆରୟାନଙ୍କୁ ଦେଖା ଯିବ ବୋଲି ସୂଚନା ମିଳିଛି । ହେଲେ କାର୍ତ୍ତିକଙ୍କ ଅପୋଜିଟ ରେ କେଉଁ ନାୟିକା ରହିବେ ଏହାକୁ ନେଇ ଚର୍ଚ୍ଚା ଚାଲିଥିବା ବେଳେ,ଜଣେ ନୂଆ ଅଭିନେତ୍ରୀଙ୍କ ନାଁ ସାମ୍ନାକୁ ଆସିଛି ।ସୂଚନା ଅନୁଯାୟୀ, ଏହି ଫିଲ୍ମରେ କାର୍ତ୍ତିକଙ୍କ ଅପୋଜିଟରେ କନ୍ନଡ଼ ଅଭିନେତ୍ରୀ ଆକାଂକ୍ଷା ଶର୍ମାଙ୍କୁ କାଷ୍ଟ୍‌ କରାଯାଇପାରେ । ଏହାକୁ ନେଇ ଆକାଂକ୍ଷା ବହୁତ ଥର ଫିଲ୍ମ ନିର୍ମାତାଙ୍କ ସହ ଭେଟ କରିଥିଲେ । କନ୍ନଡ଼ ଫିଲ୍ମ ‘ତ୍ରିବିକ୍ରମ’  ଜରିଆରେ ସେ ସିନେ କ୍ୟାରିଅର ଆରମ୍ଭ କରିଥିଲେ । ବଲିଉଡ୍ ରେ ସେ ଟାଇଗର ଶ୍ରଫ୍‌ଙ୍କ ସହ ଏକ ମ୍ୟୁଜିକ୍‌ ଭିଡିଓରେ ନଜର ଆସିଥିଲେ । ଏହାସହ ମହେଶ ବାବୁ, ବରୁଣ ଧୱନ ଓ  କର୍ଥୀଙ୍କ ଭଳି ଅଭିନେତାଙ୍କ ସହ ବିଜ୍ଞାପନରେ ମଧ୍ୟ ସେ ନଜର ଆସିଥିଲେ । ଆକାଂକ୍ଷାଙ୍କ ପୂର୍ବରୁ ଟିଭି ଅଭିନେତ୍ରୀ ଜେନିଫର ୱିଙ୍ଗେଟ୍‌, ସାରା ଅଲି ଖାନ୍‌, କ୍ୟାଟ୍ରିନା  କୈଫ୍‌ ଓ ଦୀପିକାଙ୍କ ସମେତ ଅନେକ  ଅଭିନେତ୍ରୀଙ୍କ ନାଁ ଫିଲ୍ମର ଲିଡ୍‌ ଲେଡି ପାଇଁ  ସାମ୍ନାକୁ ଆସିଥିଲା। ତେବେ ଏହି ଫିଲ୍ମର ଶୁଟିଂ କେବେ ଆରମ୍ଭ ହେବ ଏହାକୁ ନେଇ କୌଣସି ସୂଚନା ଦିଆଯାଇନାହିଁ ।