ଉପକୂଳ ଥମିଲା, ପଶ୍ଚିମ ଜଳୁଛି

ଭୁବନେଶ୍ୱର: ଉପକୂଳ ଓଡିଶାରେ ତାତି କମିଛି । ହେଲେ ଉପକୂଳ ଓଡିଶାରେ ତାତି କମିଥିଲେ ବି ପଶ୍ଚିମ ଓଡିଶା ଛଟପଟ ହେଉଛି । ଆଜି ରାଜ୍ୟର ୯ଟି ସହରରେ ତାପମାତ୍ରା ୪୦ ଡିଗ୍ରୀ ଉପରେ ରହିଛି । ୪୨ ଡିଗ୍ରୀ ସହ ଆଜି ସୋନପୁର ସର୍ବାଧିକ ଉତ୍ତପ୍ତସହର ହୋଇଛି । ଟିଟିଲାଗଡ ୪୧.୫, ବଲାଙ୍ଗୀର ୪୧.୩, ବୌଦ୍ଧ ୪୦.୮, ଭୁବନେଶ୍ୱର ୩୬.୪ ଏବଂ କଟକ ୩୫.୨ ଡିଗ୍ରୀ ସେଲସିୟସ ରହିଛି । ଗତ କିଛି ଦିନ ପୂର୍ବରୁ ରାଜ୍ୟରେ ତାପମାତ୍ରା ଏତେ ମାତ୍ରାରେ ବଢିଥିଲା ଯେ, ଦିନ ୧୦ଟାରୁ ବି ବାହାରକୁ ବାହାରିବା ଅସମ୍ଭବ ହୋଇପଡୁଥିଲା ।