ଭୁବନେଶ୍ୱର : ଓଡ଼ିଶା ବାସ୍କେଟବଲ୍ ସଂଘ ଆନୁକୂଲ୍ୟରେ ଆସନ୍ତା ୨୭ ତାରିଖରୁ ଆରମ୍ଭ ହେବାକୁ ଯାଉଛି ରାଜ୍ୟସ୍ତରୀୟ ବାସ୍କେଟବଲ୍ ପ୍ରତିଯୋଗିତା । ଏଥିରେ ୧୮ବର୍ଷରୁ କମ୍ ବୟସର ବାଳକ ଓ ବାଳିକା ଦଳ ଭାଗ ନେବେ । ଏହି ପ୍ରତିଯୋଗିତା ପାଇଁ ମଙ୍ଗଳବାର ଭୁବନେଶ୍ୱର ଜୁନିୟର ଦଳ ଚୟନ ହେବ। ମଦର୍ସ ପବ୍ଲିକ୍ ସ୍କୁଲ ପଡ଼ିଆରେ ଅପରାହ୍ଣ ୩ଟାରେ ଦଳ ଚୟନ କରାଯିବ ।
ଯେଉଁ ବାଳକ ଓ ବାଳିକାମାନେ ୨୦୦୪ ଜାନୁଆରୀ ୧ ତାରିଖ କିମ୍ବା ତା’ପରେ ଜନ୍ମ ଗ୍ରହଣ କରିଥିବେ ସେମାନେ ଏଥିରେ ଭାଗ ନେଇ ପାରିବେ । ଭାଗ ନେବାକୁ ଇଚ୍ଛୁକ ଥିବା ପ୍ରତିଯୋଗୀମାନେ ନିଜର ଆଧାର କାର୍ଡ଼ ଓ ମ୍ୟୁନିସିପାଲିଟି ବା ପିଏଚ୍ସି ଦ୍ୱାରା ପ୍ରଦତ୍ତ ଜନ୍ମ ସାର୍ଟିଫିକେଟର ଅସଲ୍ ଓ ନକଲର ୨ଟି କପି ସାଙ୍ଗରେ ଆଣି ଚୟନ ଶିବିରରେ ପହଞ୍ଚିବାକୁ ଶ୍ରୀ ପରିଜା ଅନୁରୋଧ କରିଛନ୍ତି । ଅଧିକ ବିବରଣୀ ପାଇଁ ପ୍ରତିଯୋଗୀମାନେ ବାସ୍କେଟବଲ୍ ସମ୍ପାଦକ ସତ୍ୟବ୍ରତ ନାୟକଙ୍କୁ ଏହି ମୋଇବାଲ ନମ୍ବର ୯୯୩୮୧୬୯୫୨୫ରେ ଯୋଗାଯୋଗ କରିବାକୁ ଆସୋସିଏନ ପକ୍ଷରୁ କୁହାଯାଇଛି ।
