ବଲାଙ୍ଗିର : ଜିରୋନାଇଟ ସେଲିବ୍ରେସନରେ ବୁଲିଲା ଧାରୁଆ ଖଣ୍ଡା । ଦୁଇ ଯୁବକ ଖଣ୍ଡା ଧରି ଅନ୍ୟ ଦୁଇ ଯୁବକଙ୍କୁ ଆକ୍ରମଣ କରିବା ପରେ ଗୁରୁତର ଅଛନ୍ତି । ଏଭଳି ଘଟଣା ଘଟିଛି ବଲାଙ୍ଗୀର ସହରରେ । ଗତ ରାତିରେ ତୁଳସୀନାଗାର ପଡାରେ ଛୋଟ ଛୋଟ ଛୁଆଙ୍କ ସହିତ କିଛି ଯୁବକ ଜିରୋନାଇଟ ସେଲିବ୍ରେଶନ କରୁଥିଲେ । ଏହି ସମୟରେ ଦୁଇଜଣ ଯୁବକ ବାଇକରେ ଆସି ଉକ୍ତ ସ୍ଥାନରେ ଦ୍ରୁତ ଗତିରେ ବାରମ୍ବାର ବାଇକ ବୁଲାଇଲେ। ସ୍ଥାନୀୟ ଯୁବକ ଏହାକୁ ବାରଣ କରିବାରୁ ଉକ୍ତ ଦୁଇ ଯୁବକ ଖଣ୍ଡା ଧରି ଆକ୍ରମଣ କରିଥିଲେ । ଦୁଇଜଣଙ୍କୁ ଗୁରୁତର ଅବସ୍ଥାରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି ।
ଆକ୍ରମଣକାରୀଙ୍କ ଭିତରେ ଜଣଙ୍କର ନାଁ ବବଲୁ ଷାଣ୍ଢ ବୋଲି ଜଣାପଡିଛି । ଅନ୍ୟଜଣଙ୍କର ପରିଚୟ ମିଳି ପାରିନି। ଅଭିଯୁକ୍ତ ମାନେ ଫେରାର ଥିବା ବେଳେ ଟାଉନ ପୁଲିସ ତଦନ୍ତ ଜାରୀ ରଖିଛି ।
